Sinfóníuhljómsveit Íslands tók á móti um 4.500 nemendum á fimm skólatónleikum í Eldborg í vikunni. Ævar Þór vísindamaður valdi ævintýralega tónlist sem hann kynntí fyrir nemendum úr 4. - 7. bekk grunnskólanna. Á tónleikunum hljómaði meðal annars tónlist úr kvikmyndunum Harry Potter, Hringadróttinssögu og Draugabönum, ásamt glænýju tónverki sem unnið var upp úr verðlaunabókinni Þín eigin Þjóðsaga. Hljómsveitarstjóri var Bernharður Wilkinsson. 

Tónleikunum var einnig streymt beint til grunnskóla um land allt. Við í Grunnskólanum á Þingeyri leyfðum öllum sem höfðu áhuga á að njóta tónleikanna, ekki bara mið stigi heldur 1-10. bekk og 5 ára börnum sem voru í skólaheimsókn Tónleikarnir vöru mjög skemmtilegir og vöktu athygli flestra. Ævar minnti í leiðinni á mikilvægi lesturs á skemmtilegan hátt.

Takk fyrir okkur Ævar og Sinfóníuhljómsveit😀

Mið,- og elsta stig í jóga "á sal" á fimmtudaginn

Þessa vikuna höfum við verið með gestakennara í tómstund. Það er hún Arnhildur Lilý í blá bankanum en hún er einnig jógakennari. Yngsta stig verður í jóga á þriðjudögum í febrúar og mið,- og elsta stig á fimmtudögum.

Nemendur læra ýmsar jógastöður og æfingar sem styrkja jafnvægi, einbeingu og samhæfingu. Einnig er miklvægt að nemendur nái að slaka á sem er nauðsynlegt bæði til að gera æfingarnar og til að ná jafnvægi. Markmiðið er að nemendur finni leið til að slaka á í hugleiðslu og sem getur hjálpað til í lífi og leik. Áhersla er lögð á leik og gleði ásamt því að eiga rólega stund.

Takk Arnhildur Lilý fyrir að koma og kenna okkur

Verður haldið í sal skólans föstudaginn

 26. janúar,  kl 18:00 til 20:30,  fyrir alla nemendur og starfsmenn skólans. Verð er 250 kr á mann.

 Allir koma með sinn mat í skólann a.m.k. 2 tegundir af þorramat (og annað sem manni þykir gott) og drykk (má koma með gos). Valin verða Halur og Snót kvöldsins.  Titilinn hljóta drengur og stúlka sem hafa mesta úrvalið af þorramat og borða hann.

Nemendaráð sér um spennandi dagskrá á borðhaldinu.

Að borðhaldi loknu hefst diskótek í umsjón

dJ. Áskels fyrir alla gesti kvöldsins og stendur til kl.20:30.

-   Komum saman, skemmtum okkur og verum glöð.

Kv. Nemendaráðið

Tónlistarskólinn flutti nokkur tónlistaratriði, Auður og Jóngunnar

Frá áhugasviðssýningunni

Nemendur á elsta stigi sáu um veitingar og skreytingar

Leikskólabörnin komu í heimsókn og höfðu gaman af

Nemendur í 4. bekk fengu að velja bók á bókasafnið sem viðurkenning á góðum námsárangri í samræmdum könnunarprófunum

Kvenfélagskonur gáfu skólanum rausnarlega gjöf

« 1 af 6 »

Föstudaginn 15. desember sl. var rauði dagurinn haldinn hátíðlegri heldur en undanfarin ár. Tilefnið var 120 ára afmæli skólans. Nemendur og starfsfólk mætti í einhverju rauðu, það var áhugasviðssýning á munum og verkefnum sem nemendur höfðu unnið í svokölluðum áhugasviðstímum sem eru alltaf á föstudögum. Nemendur tónlistaskólans komu fram undir stjórn Jóns Gunnars og kann skólinn þeim miklar þakkir fyrir fallegan söng og hljóðfæraleik. Gísli Halldór bæjarstjóri heiðraði okkur með nærveru sinni og þakkaði starfsfólki skólans fyrir vel unnin störf og lagði áherslu á að í hverju samfélagi væri skólinn hjartað og að honum þyrfti að hlúa. Kvenfélagið Von gaf skólanum veglega gjöf, 1000 kr. fyrir hvert ár. Gjöfin verður nýtt til að kaupa Appel Tv, Breakout for Education kassa og nýjar barnabækur til lesturs. Við þökkum þeim kærlega fyrir gjöfina og allt þeirra góða starf í þágu samfélagsins.

Það var mjög ánægjulegt hvað margir komu í skólann til að fagna þessum merkilegu tímamótum. Nemendur á elsta stigi voru mjög dugleg að baka og aðstoða við framreiðslu veitinga. Einnig sáu yngri nemendur um að baka smá kökur sem tilheyra þessum degi.

Í tilefni afmælisins fengu nemendur bláa taupoka merkta skólanum en skólinn er sífellt að reyna finna leiðir til þess að minnka plast og hvetja aðra til að minnka það líka. Hægt er að kaupa pokana á 500 kr. í skólanum.

Í skólanum eru 27 nemendur í 1. – 10. bekk.  Árið 1899-1900 voru einnig 27 nemendur í skólanum. Flestir hafa nemendur verið 101, árið 1994. Það voru foreldrar á Þingeyri sem stofnuðu til skólahalds fyrir börn sín. Skólinn var í Wendels húsi fyrstu árin en til gamans þá má segja frá því að húsið var eitt af þeim fyrstu á Þingeyri sem hafði sjálfrennandi vatn. Núverandi húsnæði var byggt 1908, byggingin var byggð af mikilli framsýni og er enn í notkun og stendur fyllilega fyrir sínu. Viðbygging við húsið, svokallað Þinghús, var einnig byggð 1908 og var m.a. aðal samkomuhúsið og íþróttasalur til ársins 1939. Nýji hluti skólans byggðist frá árinu 1976 og var tekið í notkun um áramótin 1979-1980 (Heimildir: Barnaskóli á Þingeyri í Dýrafirði í 100 ár, afmælisrit,Hallgrímur Sveinsson tók saman).

Skólahaldið í dag miðar að því að horfa til framtíðar og efla nemendur til starfa í framtíðinni.  Áhersla er lögð á færni í upplýsingatækni í örri þróun með það að markmiði að ná stóru markmiðum aðalnámskrár, sem eru eftirfarandi:

• Skapandi hugsun

• Samvinna

• Setja sig í spor annarra

   

   Erna Höskuldsdóttir

  Skólastjóri Grunnskólans á Þingeyri

19. desember 2017

Önnur lægð sem spáð var í dag ætti að skella á í nótt skv. vedur.is

Veturinn er greinilega að minna aðeins á sig þessa dagana og því rétt að rifja upp skólahald vegna veðurs.

Skólahald er ekki fellt niður vegna veðurs nema brýna nauðsyn beri til. Þá er það tilkynnt í RÚV (Rás 1 og Rás 2), Bylgjunni og á heimasíðu skólans svo fljótt sem verða má. Telji forráðamaður nemanda veður eða veðurútlit varhugavert þótt engin tilkynning hafi borist frá skóla varðandi skólahald, ber honum að meta hvort óhætt sé að senda nemandann í skólann. Slíkt þarf að tilkynna með því að hringja í skólann. Ef óveður skellur á meðan nemendur eru í skólanum þá er yngstu nemendum ekki hleypt heim og krafa gerð um að foreldrar sæki börn sín eða tryggi örugga heimferð á annan hátt. Nemendum er tryggð aðstaða í skólanum svo lengi sem þarf. Varðandi skólabíl fyrir sveitina, þá metur bílstjóri  ástandið í þeim tilvikum sem skólastarfi er ekki formlega aflýst. Ef þeir telja akstur ótryggan eða varhugaverðan og heimferð e.t.v. í óvissu þá hafa þeir sambandi við sitt fólk og skólann.

Ef það er rafmagnslaust og/eða netið úti er vara sími skólans 891-8359!

Í dag var nemendum á yngsta stigi ekki hleypt einum heim og skólabíllinn fór heim kl. 13 í stað 15.

Minnum í leiðinni á að koma klæddur eftir veðri.

Sungið og dansað í kringum jólatréð "á sal"

Huggulegheit hjá nemendum á elsta stigi

Notaleg stund hjá nemendum á yngsta stigi

Kósý stund hjá nemendum á mið stigi

« 1 af 4 »

Í dag áttum við dásamleg "litlu" jól. Lesnar voru sögur, spilað og nemendur skiptust á pökkum og jólakortum. Við dönsuðum og sungum og í kringum jólatréð við undirspil Jóns. Jólasveinarnir kíktu í heimsókn og sprelluðu þeir með okkur áður en nemendur héldu af stað í jólaleyfi.

Starfsfólk skólans óskar nemendum, aðstandendum og bæjarbúum öllum gleðilegra hátíðar og farsældar á nýju ári. Við þökkum kærlega fyrir samstarfið á árinu og hlökkum til næsta árs.

Við sjáumst öll hress og endurnærð 4. janúar kl. 08:10 samkvæmt stundaskrá

Hver veit nema jólasveinninn komi í heimsókn

Á morgunn miðvikudaginn 20. desember er komið að litlu jólunum í skólanum. Í dag borðuðu nemendur og starfsfólk skólans saman jólamat og ís og tilheyrandi í eftirmat. Þetta var notaleg stund og ánægjuleg.

Við hlökkum til að hitta alla með bros á vör í jólaskapi. Minnum á að það má koma með jólanammi, smákökur eða eitthvað annað gott á bragðið og drykk. Við kíkjum í jólakortin, höfum pakkaskipti, spilum og förum í leik. Skellum okkur svo niður "Á sal" og dönsum í kringum jólatréð sem unglingarnir skreyttu svo listavel í dag.

Hlökkum til að sjá ykkur

Föstudaginn 15. desember verður rauður dagur hér í skólanum. Einnig ætlum við að nýta tækifærið og halda upp á 120 ára afmæli skólans. Nemendur mæta í rauðu, nemendur tónlistarskólans flytja tónlist undir stjórn Jónsgunnars, áhugasviðssýningin verður á sýnum stað ásamt jólalegum veitingum.

Það eru allir velkomnir í skólann á milli kl. 10-12. Dagskrá hefst kl. 10:15. Skólahaldi lýkur eftir hádegismat hjá nemendum.

Hið árlega jólaföndur verður haldið í Grunnskólanum á Þingeyri laugardaginn 2. desember kl. 13-16.

Laufabrauðið verður á sínum stað og kostar 100 kr. stk. Einnig verður hægt að skryta piparkökur og annað sniðugt föndur verður til sölu (verð frá 300 kr.-1000 kr.).

Minnum á að gott er að taka með sér hnífa og laufabrauðsjárn til að skera laufabrauðið. Penslar og málning verða á staðnum en fínt fyrir þá sem eiga að taka þá með.

9. og 10. bekkur verða með veitingar með jólakaffi til sölu vegna fjáröflunar á skólaferðalagi.

Hlökkum til að sjá ykkur og eiga notalegan dag saman.

Með jólakveðju

Foreldrafélag G.Þ.