Laufgaða lestrartréð okkar

Fimm vikna lestrarátaki er nú formlega lokið. Nemendur hafa staðið sig með eindæmum vel og er það vel sýnilegt á "laufgaða" trénu okkar. Markmið hverrar viku var að lesa a.m.k. 150 mínútur á viku - heima og í skóla - og ef því var náð fékk viðkomandi laufblað til að klippa út, skrifa nafnið sitt á og mínútufjölda og hengja á tréð. Þar sem við erum öll misjöfn (eins og laufblöðin) voru 3 litir af laufi í boði fyrir mismunandi markmið. 150 mínútur á viku gáfu ljósgrænt laufblað, 175 mínútur á viku gáfu milligrænt laufblað og 200 mínútur á viku (eða meira) gáfu dökkgrænt laufblað. Það er skemmst frá því að segja að tréð okkar góða skartar öllum litum. Það eru ansi margar mínútur (og klukkustundir) að baki þessum laufblöðum og við getum öll verið stolt af okkar laufblöðum.

Verðlaun fyrir að standast markmiðið fyrir allar 5 vikurnar verða svo veitt á morgun, fimmtudag eftir hádegi og verður það "óvænt". Þeir örfáu sem náðu ekki sínum markmiðum verða í "venjulegum skóla" samkvæmt stundaskrá.

Við hvetjum náttúrulega alla til þess að halda áfram að lesa og minnum á að 15 mín. lestur heima á dag er liður í skólastarfinu. Foreldrar bera ábyrgð á heimalestri yngri barnanna, eldri börnin geta borið þá ábyrgð sjáf að mestu :-)

1. bekkur í G.Þ. spenntir fyrir gjöfinni sem þeir voru að fara fá afhenta

Glaðir krakkar með hjálmana sína

« 1 af 2 »

Nú þegar vorið er komið er vert að minna á notkun hjálma þegar við erum að hjóla, renna okkur á hjólabretti og/eða hjólaskautum. Helena skólahjúkrnuarfræðingur kom í heimskókn í skólann um daginn og var með fræðslu fyrir yngsta stig og nemendur í 4. bekk um hjálmanotkun. Það er mjög mikilvægt að vera með hjálm eins og við sjáum þegar Helena missti eggið í gólfið og svo eggið sem var með hjálm.

Hjálmaverkefni Kiwanis með hjálm á höfði rataði til okkar í G.Þ. í síðustu viku og fengu nemendur í 1. bekk afhenta hjálma með viðhöfn á kaffistofu kennara. Markmið hjálmaverkefnis Kiwanis hefur frá upphafi verið að stuðla að öryggi barna í umferðinni með því að gefa nemendum 1.bekk reiðhjólahjálma. Bæta þannig öryggi þeirra í umferðinni og koma í veg fyrir alvarleg slys og óhöpp  við hjólreiðar sem afar vinæl frístundaiðkun auk þess að vera góð samgönguleið.  Hjálmarnir nýtast einnig vel við notkun hjólabretta og hjólaskauta. Nemendur voru ánægðir með gjöfina og þakklátir.

Því miður þá verðum við að fresta skíðaferðinni. Við fylgjumst með veðurspá og reynum aftur síðar og verðum í sambandi um það í gegnum mentor tölvupóstinn😊

venjulegur skóladagur í dag

Nemandi í áhugasviði teiknar upp og þjálfar m.a. skilningarvit og hreyfifærni í

Osmo þjálfar rökhugsun og er auðvelt í notkun

« 1 af 2 »

Fyrir páska eignaðist skólinn skemmtilegt tæki sem heitir Osmo. Osmo er skemmtilegt og margverðlaunað leikja- og námstæki fyrir iPad. Verkefnin í Osmo örva m.a. skilningarvitin, hreyfifærni, rökhugsun og sköpun á fjölbreyttan hátt. Hægt er að sníða verkefnin að nemendum á öllum aldri en flest forritin henta vel nemendum í leikskóla og á yngra og miðstigi.

Nemendur á yngsta stigi hafa verið að nota tækin en skólinn á 2 sem nemendur skiptast á að nota. Það er svo aldrei að vita nema að vinna með Osmo þróist svo í fleiri námsgreinar en forritin sem fylgja tækinu bjóða upp á mjög fjölbreytta möguleika í námi og kennslu.

Páskaungar eftir nemendur í 3. bekk

Páskaungar eftir nemendur í 3. bekk

« 1 af 2 »

Í dag 23. mars var síðasti dagur fyrir páskaleyfi. Að því tilefni fórum við í páskabingó "á sal" sem nemendaráð sá um.  Nemendur voru sjálfum sér til sóma og náðu allir að samgleðjast með þeim sem voru svo heppnir að vinna smá bingóglaðining í anda páskanna. Það ríkti gleði og samvinna yfir salnum á meðan leikurinn stóð yfir. 

Gleðilega páska allir nemendur, starfsfólk og foreldrar. Skóli hefst aftur eftir páskaleyfi 4. apríl samkvæmt stundatöflu.

Við í G.Þ. ætlum að taka þátt og mæta í mismunandi sokkum til að sýna stuðning og hafa gaman

Miðvikudaginn 21. mars fögnum við Alþjóðlega Downs-deginum með því að koma í ósamstæðum sokkum í skólann.

Sameinuðu þjóðirnar lýstu því formlega yfir árið 2011 að 21. mars væri alþjóðadagur Downs-heilkennis og með það að markmiði að auka vitund og minnka aðgreiningu. Dagsetningin er táknræn að því leiti að hún vísar til þess að Downs-heilkenni er orsakað af auka litning í litningi 21, þ.e. 3 eintök af litning 21 - 21.03.

Myndir eftir nemendur á yngsta stigi

Árshátíðarsýningar nemenda verða í Félagsheimilinu á Þingeyri

fimmtudaginn 1. mars

Fyrri sýning kl. 10

Þá munu börn í leikskólanum Laufás koma fram.

Seinni sýning kl. 20

Allir eru velkomnir að gleðjast með okkur.

Aðgangseyri er 1500 kr. fyrir 16 ára og eldri. (Dagskráin tekur rúma 1 og hálfa klst.)

Bjarni, Jovina og Davíð eftir að keppni var lokið og beðið eftir úrslitunum.

Hluti af keppendum, dómurum og áhorfendum.

« 1 af 2 »

Í dag, fimmtudaginn 22. febrúar var haldin undankeppni í "litlu skólunum" fyrir Stóru upplestrarkeppnina sem verður haldin í Hömrum 13. mars n.k. Það fyrirkomulag hefur verið undanfarin ár, að haldin er sameiginleg undankeppni grunnskólanna á Þingeyri, Suðureyri og Flateyri. 2 - 3 keppendur eru valdir úr hópi lesara úr þeim skólum til þess að taka þátt í Stóru upplestrarkeppninni ásamt Ísfirðinum, Súðvíkingum og Bolvíkingum.
     Að þessu sinni var keppnin haldin á Suðureyri. Lesarar voru alls 11 úr þessum þremur skólum. Við hér í G.Þ. áttum 3 lesara, þau Bjarna Viktor, Davíð Navi og Jovinu Maríönnu, sem stóðu sig með stakri prýði - eins og allir lesarar gerðu reyndar. Þriggja manna dómnefnd komst að þeirri niðurstöðu að lesararnir 3 sem færu fyrir hönd þessara skóla væru Svanfríður Guðný Þorleifsdóttir og Stefán Chiaophuang bæði frá Grunnskólanum á Suðureyri og Sylvía Jónsdóttir frá Grunnskóla Önundarfjarðar.
     Við óskum þeim að sjálfsögðu til hamingju og þökkum fyrir góða og skemmtilega keppni.

« 1 af 6 »

Hér á Þingeyri er ekki hefð fyrir því að maska á öskudaginn en í tilefni dagsins mættu nemendur í náttfötum eða kósýgalla til að gera sér dagamun. Nemendaráð sá um að græja leikinn "að slá köttinn úr tunninni" við mikinn fögnuð nemenda í 3.-10. bekk. 1.-2. bekkur skellti sér í öskudagspartý á leikskólanum þar sem "kötturinn" var sleginn úr tunnunni og fleira skemmtilegt var á dagskrá. Sú heimsókn er liður í samvinnu skólastiganna og tengist Brúum bilið.

Gamlar sagnir segja að öskudagurinn eigi sér 18 bræður og að á föstunni sem hefst í dag verði veðrið eins og á öskudag í 18 daga á tímabilinu (við vonum að það rætist nú ekki). Gleðilegan öskudag.

Gamalt kvæði um öskudaginn:

Öskudagsins bjarta brá

bætti úr vonargögnum,

þar hann bræður átján á,

eptir gömlum sögnum.