Erna Höskuldsdóttir Erna Höskuldsdóttir | þriðjudagurinn 31. janúar 2023

Það verður skóli í dag

Veðurspá um hádegisbil í dag 31. janúar
Veðurspá um hádegisbil í dag 31. janúar

Þegar gular viðvaranir eru í gildi hjá Veðurstofu Íslands skulu foreldrar ávallt meta sjálfir hvort óhætt sé að senda barn í skólann. Skólinn er alltaf opinn þó slíkar viðvaranir sé í gildi. 

Þegar appelsínugular eða rauðar viðvaranir Veðurstofu Íslands eru í gildi hefur skólastjóri heimild, í samráði við sviðsstjóra, að fella niður skólastarf. Sé það gert er það auglýst á heimasíðu skólans, Facebook síðu skólans, svo og í tölvupósti til foreldra, eigi síðar en kl. 7:00 að morgni þess. 

Ekki er talin ástæða til að fella niður skóla vegna veðurs- það verður skóli. Minnum á að koma vel klædd.

Erna Höskuldsdóttir Erna Höskuldsdóttir | mánudagurinn 30. janúar 2023

Slæm veðurspá-appelsínugul viðvörun

Myndin sýnir veðurspá fyrir þriðjudagsmorguninn 31.janúar 2023
Myndin sýnir veðurspá fyrir þriðjudagsmorguninn 31.janúar 2023

Veðurstofan spáir austan hvassviðri eða stormi 15-23 m/s og hviður sums staðar yfir 35 m/s í vindstrengjum við fjöll. Einnig eru líkur á skafrenningi með takmörkuðu skyggni. Lausir munir gætu fokið og færð gæti spillst. Núna er gulviðvörun að skella á og í fyrramálið er hún appelsínugul.

 

Upplýsingar um skólahald mun birtast um kl. 7:00 á heimasíðu og facebook síðum skólans.

Minnum á verklagsreglur um skólahald í leik, og grunnskólum vegna óveðurs hér

Erna Höskuldsdóttir Erna Höskuldsdóttir | fimmtudagurinn 8. desember 2022

Rauðurdagur

Tarzan og allir “aparnir”
Tarzan og allir “aparnir”
1 af 3

Föstudaginn 9. desember er RAUÐURDAGUR í skólanum. Allir nemendur koma í einhverju rauðu. Foreldrar, ömmur, afar, frænkur, frændur og öðrum velunnurum er boðið í jóla huggulegheit kl. 11:15.


Nemendur fóru í Tarzan í dag sem er fyrir löngu orðin hefð í aðdraganda jólanna. Eltingaleikurinn gekk stórslysalaust og allir fengu tækifæri til að uppfylla hreyfiþörf sinni ásamt því að fylla á gleði tankinn. 

Hlökkum til að sjá ykkur

Erna Höskuldsdóttir Erna Höskuldsdóttir | mánudagurinn 21. nóvember 2022

Fyrirlestur um netöryggi

Hvetjum alla foreldra til að skrá sig á þennan mikilvæga fund
Hvetjum alla foreldra til að skrá sig á þennan mikilvæga fund

Skólinn vill hvetja alla foreldra og þá sem vinna með börnum á fyrirlestur sem lögregla stendur fyrir í samvinnu við Barnaheill, 112, SAFT, Heimili og skóla, Inhope Ins@fe og Fjölmiðlanefnd.

Fyrirlesturinn verður miðvikudaginn 23. nóvember kl. 12-13 og má nálgast hann hér 

 

Hægt er að skrá sig hér: https://bit.ly/foreldrafundur 

 

Fundurinn er eingöngu á netinu og verða kynnt praktísk ráð fyrir foreldra um stafræna miðla, notkun þeirra og úrræði vegna stafrænna brota. Fundurinn hefst á kynningum og svo fylgja á eftir lifandi pallborðsumræður þar sem foreldrum á netinu verður jafnframt gert kleift að spyrja spurninga.
Þessi stafræni foreldarfundur er hluti af aðgerðum ríkislögreglustjóra gegn stafrænu ofbeldi gegn börnum í samræmi við samkomulag þess efnis við stjórnvöld. Meðal annara aðgerða er vitundavakning meðal ungmenna í 8. bekk grunnskóla um stafrænt ofbeldi og gildi samþykkis í stafrænum og kynferðislegum samskiptum. Sérstakt fræðsluefni hefur verið útbúið fyrir nemendur í 8. bekk, auk þess sem kennsluleiðbeiningar og upplýsingar fyrir foreldra eru gerð aðgengileg á íslensku, ensku og pólsku.

 

Fundurinn er í upptöku og verður aðgengilegur á netinu til áhorfs að honum loknu ef foreldrar geta ekki tekið þátt kl. 12-13!

Erna Höskuldsdóttir Erna Höskuldsdóttir | þriðjudagurinn 8. nóvember 2022

Dagur gegn einelti

STERK SAMAN
STERK SAMAN
1 af 4

Ár hvert er 8. nóvember helgaður baráttunni gegn einelti.

Í morgun sátu nemendur og starfsfólk saman "á sal" þar sem horft var á myndbönd og farið var yfir reglur er varða einelti. Einnig ræddum við saman um þætti sem hjálpa okkur til að vera þær manneskjur sem við viljum vera (næring, svefn og hreyfing, ef þessir hlutir eru í lagi þá erum við líklegri til að standa við hlutverk okkar). 

Samkv. 2 gr. Barnasáttmálans eiga öll börn rétt á því að líða vel.

Saman gerðu nemendur og starfsfólk sáttmála sem er myndrænn og minnir okkur á að STERK SAMAN náum við að auka gleði og umhyggju í skólanum okkar.

 

Nemendur tóku heim í dag bækling fyrir foreldra, bæklinginn má einnig finna hér

Minnum líka í tilefni dagsins á eineltisáætlun skólans sem er hér til vinstri-ekki bíða með að hafa samband við skólann ef einhver grunur er um einelti eða vanda í samskiptum. 

Erna Höskuldsdóttir Erna Höskuldsdóttir | mánudagurinn 31. október 2022

Skólanesti

Margvíslegar hugmyndir að nesti
Margvíslegar hugmyndir að nesti
1 af 6

Mikilvægt er fyrir nemendur í grunnskólum að borða reglulega svo þau fái orku- og næringarefni jafnt yfir allan daginn og geta þá betur tekist á við verkefni sín. Börn þurfa hlutfallslega meiri orku en fullorðnir þar sem þau eru enn að vaxa og þroskast.

 
Hér til hliðar má skemmtilegar og hollar hugmyndir að hollum bita í nestisboxið. 
 
Hér má sjá ráðleggingar um nesti grunnskólabarna frá landlækni.
Erna Höskuldsdóttir Erna Höskuldsdóttir | föstudagurinn 28. október 2022

Upplifum ævintýri saman - símalaus sunnudagur

Hvetjum nemendaráð skólans til að standa fyrir símalausri féló og símalausum degi í skólanum.
Hvetjum nemendaráð skólans til að standa fyrir símalausri féló og símalausum degi í skólanum.

Á sunnudaginn er dagurinn sem enginn hefur beðið eftir – símalausi dagurinn. Dagurinn er haldinn af Barnaheill og á honum er stungið upp á að bæði börn og fullorðnir eyði deginum með fjölskyldu og vinum, í raunheimi og leggi frá sér símana.

 

Við hvetjum alla til að taka þátt í þessari vitundarvakningu með  með því að setja mörk á skjánotkun bæði hjá þér og þínu barni. Fjölga samverustundum án snjalltækja og nýta æfingar og önnur úrræði til að auka vellíðan. Það eru rannsóknir sem gefa skýrar niðurstöður um fylgni á auknu einelti, kvíða og erfiðri hegðun barna sem eru of mikið í snjalltækjum. Gott að miða við að vera ekki í símanum meira en 2 klst. á dag.

 

Hér má sjá nánari upplýsingar um hvatninguna og afhverju við ættum að taka áskoruninni og hér má skrá sig til leiks og freista þess að vinna verðlaun og fá sendar hugmyndir um hvað er hægt að gera í stað skjáhorfs.

Erna Höskuldsdóttir Erna Höskuldsdóttir | miðvikudagurinn 26. október 2022

Hrekkjavökuball

Hrekkjavökuball verður haldið í skólanum fyrir nemendur í öllum námshópum fimmtudaginn 27. október kl. 17-19. Það kostar 300 kr. fyrir þá sem mæta í búning og 500 kr. fyrir þá sem mæta ekki í búning. Það má koma með sætan drykk og gotterí á ballið. 

 

Hlökkum til að sjá ykkur

Kveðja Nemendaráðið

Jónína Hrönn Símonardóttir Jónína Hrönn Símonardóttir | fimmtudagurinn 13. október 2022

Bleikur dagur

Og af hverju bleikur dagur???
Og af hverju bleikur dagur???
1 af 7

Við héldum upp á "bleika daginn" í dag, fimmtudaginn 13. okt. þar sem nemendur verða farnir í vetrarfrí á morgun, föstudag, þegar hann verður haldinn hátíðlegur á landsvísu.

Nemendaráðið var búið að skipuleggja metnaðarfulla dagskrá og skreytingar og var ýmislegt gert í tilefni dagsins. Hér koma nokkur stikkorð: Andlitsmálun, bakstur, blöðrur og skreytingar, bleikar kökur, bleikur fáni, bleikir tússlitir.........en annars segja myndirnar þetta allt miklu betur ;-) Að loknum skemmtilegum bleikum degi héldu nemendur út í langa helgi og vetrarfrí. Sjáumst aftur hress og kát á miðvikudaginn 19. október.

Bestu kveðjur, starfsfólk G.Þ.

Erna Höskuldsdóttir Erna Höskuldsdóttir | fimmtudagurinn 13. október 2022

Starfsdagur og vetrarfrí

úti í frímó
úti í frímó
1 af 2

Föstudaginn 14. október er starfsdagur, nemendur mæta ekki í skólann þann daginn. Starfsfólk skólans fer í Grunnskólann á Suðureyri og vinnur þar ásamt Grunnskóla Önundarfjarðar. Eftir helgi er vetrarfrí og allir í leyfi á mánudaginn og þriðjudaginn. 

 

Eigið góða langa helgi

kveðja starfsfólk G.Þ.

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Könnunin

Valdir tenglar

Vefumsjón