Við gerum hjartað okkar m.a. sterkara með því að vera duglega að hreyfa okkur og leika úti.

Febrúar er hjartamánuðurinn og við í Grunnskólanum á Þingeyri ætlum að taka þátt í honum. Árið 2009 fór Ísland í samstarf með alþjóða hjartasamtökunum og GoRed verkefninu með megináherslu á konur og hjartasjúkdóma. Verkefnið hefur síðan þróast hjá okkur í gegnum árin og að þessu sinni er allur mánuðurinn undir, efnið óháð kyni og aldri því hjartaheilsa varðar alla.

Hjarta dagurinn okkar að þessu sinni er föstudagur 3. febrúar n.k. Nemendur og starfsfólk skólans er því hvatt til að mæta í rauðu og sýna þannig í verki að við eigum að hugsa vel um hjartað okkar.

Íslenska kindin er falleg, hlý og góð

Harðfiskur er góður

« 1 af 2 »

Þorrablót Grunnskólans á Þingeyri verður haldið í sal skólans föstudaginn 3. febrúar,  kl 18:00 til 20:30,  

fyrir alla nemendur og starfsmenn skólans.

Verð er 250 kr á mann.

Allir koma með sinn mat í skólann a.m.k. 2 tegundir af þorramat (og annað sem manni þykir gott) og drykk (má koma með gos).

Valin verða Halur og Snót kvöldsins.  Titilinn hljóta drengur og stúlka sem hafa mesta úrvalið af þorramat og borða hann.

Nemendaráð sér um spennandi dagskrá á borðhaldinu.

Að borðhaldi loknu hefst diskótek í umsjón

dJ. Kristjáns fyrir alla gesti kvöldsins og stendur til kl.20:30.

-   Komum saman, skemmtum okkur og verum glöð.

Kv. Nemendaráðið

Féló er opin til kl. 10:30 fyrir 7.-10. bekk með Kristínu eftir blót.

Lesfimi er samsett færni sem felst í leshraða, lestrarnákvæmni, áherslum og hrynjandi í lestri.

Lesferill er nýtt matstæki sem unnið er af læsisteymi Menntamálastofnunar. Lesferll er "tæki" sem við í Grunnskólanum á Þingeyri höfum ákveðið að nýta okkur til að meta grunnþætti læsis s.s. lesfimi, lesskilning, ritun, orðaforða og málskilning.

Ætlunin er að Lesferill spanni frá þriggja til 16 ára aldurs. Hafist var handa við að vinna þessi próf í október 2015, m.a. fengum við í heimskókn læsisráðgjafa sem hittu kennara og foreldra á fundi hér í skólanum síðasta vetur í tengslum við þessa vinnu.  Ýmist er um stöðupróf eða skimanir (lestrarpróf) að ræða. Athugið að núna fá nemendur talin orð en ekki atkvæði. Nánari upplýsingar um Lesferil má finna hér í bækling um viðmið og markmið verkefnisins.

1-2.bekkur í Boccia í íþróttahúsinu á Þingeyri

3.bekkur í Boccia

« 1 af 2 »

Æfingar fyrir 1.-4. bekk og elstu börnin í leikskólanum hefjast í dag mánudaginn 9. janúar kl. 17:10-18:00.

Æfingar verða framvegis á mánudögum fram á vor 1x í viku  í umsjón Janne Kristiensen. HSV rukkar lágmarksgjald fyrir æfingarnar, nánari upplýsingar gefur Janne.

7.-10. bekk stendur enn til boða að mæta á þriðjudögum og fimmtudögum í hreystitíma kl. 17-18:30 í umsjón Ernu.  Körfuboltaþjálfari frá Vestra mætir hálfsmánaðarlega á fimmtudögum í þá tíma.

Hjólakraftur mun einnig halda áfram með sínar æfingar í umsjón Guðrúnar Snæbjargar og Sigmundar Fríðars. Hjólakraftur er á miðvikudögum kl. 16:30. Nánar auglýst á facebook og inni í skóla. Allir velkomnir en foreldrar þurfa að meta hvort yngri ráði við æfingarnar.

Minnum einnig á fjölskyldutíma Höfrungs á sunnudögum kl. 10-12 þar sem allir fá tækifæri til að nýta íþróttasalinn og efla áhuga á hollri hreyfingu og samveru.

Blakæfingar fyrir 7. bekk og eldri hefjast aftur þegar Thio mætir aftur eftir frí, þær eru á sunnudögum kl. 14-15:30. Áhugasamir geta rætt við Sigmund Fríðar og/eða Guðrúnu Snæbjörgu.

Með kveðju Íþróttafélagið Höfrungur

Frá áramótabrennu á Þingeyrarodda 31. desember 2016

Starfsfólk skólans óskar öllum nemendum, foreldrum sem og þorpsbúum öllum gleði og gæfu á komandi ári með kærri þökk fyrir samskiptin á árinu sem var að líða. 

Skóli hefst aftur eftir jólafrí þriðjudaginn 3.janúar kl. 10. 

Framundan í skólastarfinu eru námsmatsdagar í lok janúar ásamt þorrablóti G.Þ. Eftir það hefst undirbúningur fyrir árshátíð ásamt hefðbundnu skólastarfi ásamt lestrarátaki og stærðfræðisprett.

Hver er sinnar gæfu smiður 😊

• 15. desember Tarzan í íþróttahúsinu kl. 10-12
• 16. desember Rauður dagur

Nemendur koma í einhverju rauðu. Kl. 11-12 er foreldrum, ömmum, öfum og öðrum velunnurum skólans boðið á sýningu á áhugasviðsverkum nemenda. Heitt súkkulaði og smákökur í boði.

Um kvöldið er jóladiskó kl. 20-22 í skólanum fyrir 1.-10. bekk í umsjón nemendaráðs og félagsmiðstöðvar. 7.-10. bekkur halda áfram á féló til 10:30, síðasta féló fyrir jól.

• 19. desember jólabíó og jólamatur

Nemendaráðið í samstarfi við kennara bjóða öllum nemendum í jólabíó „á sal“ kl. 9-11 (athugið sund hjá elsta,- og mið stigi fellur niður).

Jólamatur mötuneytisins_ þeir sem eru ekki í mat geta keypt máltíð á 480 kr. (nemendur koma með pening og greiða sí skólanum).

Yngsta stig ætlar í sund eftir hádegi- muna að koma með sundföt og það má hafa með sér dót (verð örugglega alveg til kl. 14 ofan í).

• 20. desember „Litlu jólin“ kl. 10-12:10

Nemendur mæta í skólann kl. 10 spari klædd með jólalegt nesti (gos, safa, smákökur, sælgæti) og lítinn pakka í pakkaskiptin (gjöf sem kostar 500-1000 kr.). Nemendur þurfa ekki að koma með kerti, þeir nota það sem þeir föndruðu á skreytingardaginn.

Dansað verður í kringum jólatréð, hver veit nema jólasveinar kíki í heimsókn eftir notalega stund upp í heimastofu hvers og eins með sínum umsjónarkennara.

Minnum alla á að lesa þó að það séu að koma jól- lestur er lykillinn, lestur er lífið sjálft!

Gleðilega aðventu

Við ætlum líka að kveikja á kertum 2 og syngja "á sal"

Mánudaginn 5. des er skreytingadagur í skólanum. Þá verður unnið í stöðvum að ýmsu jólaskrauti og bakstri, til að skreyta skólann okkar. Einnig verða gluggamyndirnar settar upp og skólinn kemst í jólabúning. 
Við óskum sérstaklega eftir að nemendur hafi með sér glerkrukku til að búa til kertastjaka sem verður svo á hverju borði á Litlu jólunum.
Einnig heftara og bæklinga ef til eru til að gera keðjur. Það má líka hafa með sér liti eða skrautpenna eða annað skraut til að klippa á jólakort. 

Bestu kveðjur, kennarar og aðrir jólasveinar GÞ

Hægt að skoða myndir í myndasafni: http://grthing.isafjordur.is/myndasafn/22/

Eigum notalega stund saman á aðventu í skólanum okkar, allir velkomnir

Hið árlega jólaföndur verður haldið í Grunnskólanum á Þingeyri sunnudaginn 4. desember kl. 13-16.

Laufabrauðið verður á sínum stað og kostar 100 kr. stk. Í boði verður ýmislegt föndur á verð bilinu 300-1000 kr. ásamt gömlu föndri sem verður gefinsJ

Minnum á að gott er að taka með sér hnífa og laufabrauðsjárn ef maður á til að skera laufabrauðið.

Foreldrafélagið verður með kaffi og vöfflusölu.

Hlökkum til að sjá ykkur og eiga notalegan dag saman.

"Upp undir Laugarásnum" hluti nemenda úr 7.-8. bekk

Gaman að sýna verkin á risa tjaldi í Félagsheimilinu

Fullt hús og tóm gleði

Undirbúningur og kynning Þemadaga "á sal" skólans

Notaleg stund saman í Félagsheimilinu

Persónur úr Reiðtúrnum, snildar kveðskapur

Tarzan apabróðir eftir nemendur á mið stigi

« 1 af 8 »

Nú eru yfirstaðnir þemadagar sem voru 14.-16. nóv sl. Þemað var: Lögin/textarnir hans Ladda. Hver nemendahópur fékk úthlutaða nokkra texta sem kennarar höfðu valið og skipt á milli hópanna. Hlutverk nemanda var svo að vinna með textana og eða lögin og tengja vinnuna við íslensku því að uppskeruna átti að nota til að halda "veislu" vegna afmælis Jónasar Hallgrímssonar eða dags íslenskrar tungu í Félagsheimilinu. Hugmyndin var að breyta Jónasi í Ladda og tengja við gleði sem er einn hornsteinn skólans. Unnin voru verkefni sem tengdust rími, samsettum orðum og flokkun orða í íslensku, persónur Ladda voru skoðaðar ásamt því að kynnast honum sjálfum betur. Vinsælast var hjá nemendum að búa til video verk þar sem þau nýttu sér tæknina og spjaldtölvurnar. Sú vinna krafðist margþættrar leikni m.a. í leiklist, dans, tónlist, upplestri, upptöku, klippingu efnis og þekkingar á forritinu sem nemendur völdu að vinna í.

Takk allir fyrir komuna, það var mjög ánægjulegt að sjá hve margir komu í Félagsheimilið og við hlökkum til að fylla það aftur þegar árshátíðin verður. Takk Laddi fyrir skemmtunina og allt það efni sem þú hefur samið, þú ert snillingur