Göngum í skólann 6.sept.-4. okt.

Grunnskólinn á Þingeyri hefur skráð sig til þátttöku í Göngum í skólann verkefnið sem hefst í dag og stendur til 4. okt. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.

Einfaldasta leiðin til að auka hreyfingu í daglegu lífi er að velja virkan ferðamáta, svo sem göngu, hólreiðar, hlaup, línuskauta, hjólabretti eða annað. Ávinningurinn er betri líðan og svo er þetta einnig umhverfisvæn og sparsöm leið til að komast á milli staða.

Á þessu tímabili sem átakið stendur yfir ætlum við meðal annars að ganga á dali og fjöll, hjóla og hlaupa Norræna skólahlaupið.

Hvetjum alla sem geta til að vera með

Samsöngur, okkar börn í efstu röðinni

Kynnar á kvöldvöku

G.Þ. voru með leik á einni kvöldvökunni

Girnilegir Reykjaskólasnúðar smakkaðir

« 1 af 4 »

Nemendur í 6.-7. bekk fóru ásamt umsjónarkennara sínum Sonju í Skólabúðirnar að Reykjum í Hrútafirði síðustu vikuna í ágúst. Eitt af markmiðum búðanna er að venja nemendur við að búa fjarri foreldrum sínum, sofa á ókunnum stað, sjá um sig, hafa reglu á fötum og farangri og hirða herbergi sitt. Við þetta njóta nemendur tilsagnar kennara síns og starfsfólks búðanna. Markmið búðanna tengjast að öllu leiti markmiðum í starfi grunnskólans og einkum er lögð áhersla á félags,- og uppeldismarkmið.

Aðstaðan í búðunum er til fyrirmyndar og nemendur skemmtu sér vel í leik og starfi á meðan dvölinni stóð. Reykjaskólasnúðarnir voru á sínum stað og stóðust væntingar. Nánar um búðirnar hér

G.Þ. Hjólakraftur og Höfrungur

Á morgun í TÓMSTUND þurfa þeir sem ætla að hjóla að muna að koma á hjólum í skólann og að sjálfsögðu muna eftir hjálminum á höfuðið. Hægt er að útvega nemendum á elsta stigi hjóli og hjálm að láni. Þeir sem ekki geta hjólað verða í öðrum verkefnum tengdri útvist og hreyfingu á fimmtudögum með Ernu í þessum tímum en Guðrún Snæbjörg sér um Hjólakraft.  TÓMSTUND er verkefni í þróun sem á að stuðla að aukinni hreyfingu og möguleiki til að sinna tómstund á skólatíma í samvinnu við Hjólakraft, Höfrung og vonandi fleiri.

Hlökkum til og eigið góðan dag

Kæru foreldrar og forráðamenn.

Fimmtudaginn 24. ágúst kl: 16 – 18 verður innritun í tónlistarskólann á Þingeyri í aðstöðu skólans í Félagsheimilinu á Þingeyri.

Sýnt hefur verið fram á að tónlistarnám eykur á færni fólks til að takast á við verkefni í almennu námi. Svo er líka svakalega skemmtilegt að spila tónlist.

Kkv.

Jóngunnar Biering Margeirsson – GSM: 620-5778

Hægt að panta tíma í foreldraviðtöl á mentor

Það er allt á fullu í undirbúning fyrir skólaárið 2017-18 og okkur hlakkar til að skólinn iði af lífi í næstu viku. Eftir skólasetningu þriðjudaginn 22. ágúst verða foreldraviðtöl. Hver nemandi og foreldri/ar hitta umsjónarkennara til að setja sér markmið fyrir fyrstu önnina og ræða skólastarfið. Viðtalið tekur um 15 mín. Hægt er að panta viðtalstíma inn á Mentor. Nýjir nemendur og þeir sem vantar lykilorð velja gleymt lykilorð inn á mentor.is og velja bláu flísina hefst í vinstra horninu. Kennarar eru búnir að senda póst með frekari upplýsingum.

Góða helgi, starfsfólk G.Þ.

Grunnskólinn á Þingeyri verður settur á sal skólans þriðjudaginn 22. ágúst kl. 10. Eftir setningu hitta nemendur og foreldrar umsjónarkennara í sínum heimastofum. Nemendur fá stundatöflur og skráningar í mötuneyti og fleira fara fram. Eftir setninguna eru foreldraviðtöl þar sem hver nemandi, foreldrar og kennarar fara saman yfir áherslur og markmið. Minnum á skóladagatalið hér

Hlökkum til að sjá ykkur

Starfsfólk G.Þ.

Gleði-Virðing-ábyrgð-samheldni

Skólaslit verða fimmtudaginn 25. maí kl. 15 í Þingeyrarkirkju.

Að lokinni athöfn mun Kvenfélagið Von sjá um kaffisölu í félagsheimilinu. Einnig mun skólasýningin vera á sínum stað „á sal“ í skólanum til kl. 17:30

Á milli kl. 17:30-18:00 sækja nemendur muni sína 

Allir velkomnir

Forvarnafræðsla Magga Stef. Foreldrafundur á Ísafirði miðvikudaginn 3. maí kl. 20

Fundur fyrir foreldra/forráðamenn þann 03/05 kl. 20:00 í Stjórnsýsluhúsinu á Ísafirði.

Forvarnarfræðsla Magga Stef verður með fræðslustund í skólanum ykkar þar sem við finnum svar við þessari spurningu, ásamt því að skoða:

• Uppeldistengd málefni: gildi, hefðir og venjur
• Hvernig við styrkjum tilfinningagreind og sjálfstraust barna
• Kannabisplöntuna (hass/gras/weed/vax/olía) og skaðleg áhrif af neyslu.
• MDMA, Purple Sprite, Kókaín, læknadóp, Blunt, gas, spítt, Spice, K2, Fentanyl, Krókadíl og fleiri efni

Einnig verða sýnd helstu einkenni fíkniefnaneyslu og hvernig er gott að bregðast við ef grunur um neyslu kemur upp.

Sjáðu hvað aðrir foreldrar hafa sagt um þessa fræðslu: http://maggistef.is/index.php/um-maggistef

Fyrirlesari: Magnús Stefánsson
Vefsíða: maggistef.is

Fjölskylduráðgjafi ICADC/ICPS

Facebook: Forvarnarfræðsla Magga Stef

Tölvupóstfang: magnusstef@simnet.is

Við hvetjum alla foreldra til að mæta á fundinn

Fatasund (neðri mynd elsta stig, efri mynd mið stig)

Fimmtudaginn 20.apríl er sumardagurinn fyrsti og frí í skólanum. Fyrsta vika eftir páskafrí er því aðeins 3 dagar en það er skóli á föstudaginn. Veturinn minnir aðeins á sig þennan síðasta dag vetrar með hvassviðri, hagléli og snjókomu. Starfsfólk skólans þakkar fyrir veturinn og óskar öllum gleðilegs sumars🌞

Við hvetjum foreldra til að panta viðtalstíma í foreldraviðtöl in inn á mentor og minnum á að úti íþróttir hefjast í maí🤸🏼‍♀️

Páskabingó 1-10. bekkur á sal

Gaman saman

« 1 af 2 »

Við óskum öllum gleðilegra páska. Á síðasta skóladegi fyrir páskafrí hélt nemendaráð Páskabimgó á sal. Páskabingó er orðin skemmtileg hefð þar sem nemendur þurfa að reyna m.a. á tillitsemi, eftirtekt og að samgleðjast. Það tókst mjög vel að þessu sinni. Kristján Eðvald sá um að snúa "bingóhjólinu" og Ásrós var lesari. Ýmist góðgæti og skraut var í vinning. 

Skóli hefst aftur eftir páska leyfi þriðjudaginn 18. apríl. Þá eru 26 skóladagar eftir af þessu skólaári til að sinna verkefnum sem eru ólokin og ná markmiðum 😊