Gull skórinn

« 1 af 4 »

Nú er átakinu "Göngum í skólann" formlega lokið. Allir nemendur skólans og starfsfólk tók þátt í átakinu og stóðu allir nemendur sig vel. Starfsfólk skólans mætti taka nemendur sér til fyrirmyndar því að flestir nemendur gengu eða hjóluðu alla dagana sem átakið stóð. Nemendur í skólabíl gengu líka en bílstjórinn stöðvaði bílinn hér fyrir innan skólann svo þeir nemendur gætu verið með.

Nemendur á mið stigi hlutu "Gull skóinn 2018" og fá að hafa hann inn í sinni heimastofu í vetur. Nemendur sýndu mikla samvinnu og hvöttu hvort annað til að ganga. Elsta,- og yngsta stig voru jöfn og munaði einungis 0,27 á meðaltalstölum núna í lokin.

Minnum á að það er farið að rökkva á kvöldin og fram á morgun og þörf er á endurskinnsmerkjum. Einnig minnum við alla göngugarpa sem hjóla ennþá í skólann á að vera upplýstir og með hjálm.

« 1 af 3 »

Síðasti mánudagur var síðasti mánudagurinn í "Göngum í skólann" átakinu. Að því tilefni fengum við lögregluþjón í heimsókn til okkar í skólann. Haukur lögregluþjón heilsaði upp á nemendur á mið,-og elsta stigi og spjallaði við þau um daginn og veginn og svaraði spurningum nemenda um störf lögreglunnar. Haukur hitti svo nemendur á yngsta stigi í íþróttahúsinu við mikinn fögnuð og áhuga nemenda. Farið var yfir ýmiss atriði og minnt á að nú væri tími endurskinnsmerkjanna að hefjast aftur og margt fleira. Lögreglan er vinur okkar og við getum alltaf leitað til hennar í vanda.

Fimmtudaginn 4. okt kemur svo í ljós hvaða hópur hlýtur "GULL SKÓINN" (nánari frétt um það síðar).

Allir gerðu sitt besta og margir bættu sig frá því í fyrra

Margir bættu tímann sinn eða hlupu lengri vegalengd

« 1 af 2 »

Skólahlaupið eða Ólympíuhlaupið fór fram föstudaginn 14. september. Það er hefð fyrir því að hlaupa það á haustdögum og fastur viðburður í skóladagatali. Verkefnið tengist einnig átakinu „Göngum í skólann“ sem skólinn er skráður í til 3. október. Veðrið var einstaklega gott fyrir útihlaup og við sluppum við rigningu. Meira segja lét sólin aðeins sjá sig þegar nemendur hlupu í gegnum markið. Eftir hlaup fengu allir extra skammt af ávöxtum og skelltu sér í sund. Margir höfðu sett sér markmið sem þeir stóðust og allir stefndu á að gera sitt besta. Elstu börnin á leikskólanum hlupu „litla víkingasvæðishringinn“, yngsta stig fór 2,5 km og þeir sem treystu sér til fóru 5. Nemendur á mið,- og elsta stigi fóru 5 -10 km. Í fyrra árið 2017 voru hlaupnir yfir 117,5 km í ár hlupu þessir flottu krakkar 183,5 km. Til hamingju Dýrfirðingar með þessa frábæru krakka sem eru okkur öllum til sóma!

Hlaupið hefst kl. 10:15, hvetjum alla sem geta til að vera með

Föstudaginn 14. september ætlum við að hlaupa Ólympíuhlaupið. Hlaupið verður ræst kl. 10:15 frá kirkjunni. Allir fá ávexti eftir hlaup og fara svo í sund. Skóli samkvæmt stundatöflu eftir hádegi.  Allir þurfa að koma með eða vera í íþróttafötum sem henta vel í útihlaup og hafa meðferðis sundföt og handklæði.

Vegalegndirnar eru 2,5 km fyrir yngstu nemendurnar

5 km og 10 km fyrir mið,-og elstastig (val)

Óskir um vegalengdir er einnig hægt að ræða og semja um við Ernu (einstaklingsmiðun)

Nemendur sem ætla 10 km mega hlusta á tónlist á meðan þeir hlaupa kjósi þeir það og þurfa að hlaupa í vestum.

Allir eru velkomnir til að taka þátt í þessum viðburði með okkur, börnin á Laufás taka þátt

Eitt helsta markmið skólahlaupsins er að hvetja nemendur skólanna til þess að hreyfa sig reglulega og stuðla þannig að betri heilsu og vellíðan.Nánar má lesa um skólahlaupið á vef Í.S.Í. http://www.isi.is/fraedsla/olympiuhlaup-isi/

Nemendur lærðu origami

Unglingar í sjósundi - valgrein

« 1 af 2 »

Mig langaði að deila því með ykkur hvað það er gaman að vera kennari. Alltaf líf og fjör og enginn dagur eins. Smá sýnishorn af deginum okkar í dag, sem er "bara venjulegur miðvikudagur". Við fengum japanska stúlku til að kenna origami-gerð og þar fór fram þvílík sköpun. Einnig erum við með danskan gestakennara í tvær vikur sem talar dönsku "hele tiden" og nemendur og kennarar spjalla við hana án mikilla erfiðleika Í dag var einnig á dagskrá áhugasvið, textílmennt, heimilisfræði, hönnun og smíði, dans OG kjarnagreinar (ísl. og stæ.) Unglingastigið endaði svo daginn á valgrein sem var sjósund. Allir stóðu sig eins og hetjur og það var bros á hverju andliti Þetta var smá samantekt af deginum í Grunnskólanum á Þingeyri

Mánudaginn 10. september kl. 20. ætlar Sólveig Norðfjörð sálfræðingur, að bjóða upp á fræðsluerindi fyrir foreldra 5 og 6 ára barna.

Erindið sem verður um 60 mínútur að lengd, verður haldið í salnum á 4. hæð Stjórnsýsluhússins á Ísafirði.

Á eftir erindinu verður svo boðið upp á spurningar og umræður.

Ókeypis aðgangur.

G.Þ. verður settur í 121 skipti á fimmtudaginn

Grunnskólinn á Þingeyri verður settur á sal skólans fimmtudaginn 23. ágúst kl. 10. Eftir setningu hitta nemendur og foreldrar umsjónarkennara í sínum heimastofum. Nemendur fá stundatöflur og skráningar í mötuneyti og fleira fara fram. Eftir setninguna eru foreldraviðtöl þar sem hver nemandi, foreldrar og kennarar fara saman yfir áherslur og markmið.

Það er hægt að panta sér tíma í foreldraviðtöl á mentor.is

Ef þið eruð búin að gleyma lykilorði fyrir aðgang á mentor smellið þið á „Innskráningu“ og í framhaldinu „Gleymt lykilorð“. Ef þú ert skráður sem aðstandandi hjá skólanum og með rétt netfang skráð þar, ættir þú að fá tölvupóst sem gefur þér frekari upplýsingar um innskráningu. Ef það er ekki raunin þarftu að hafa samband við skólann og biðja um að þú sért skráð/ur inn og rétt netfang fylgi með

Skóladagatalið er hér til hliðar. Við hvetjum ykkur til að skoða það hér

Hlökkum til að sjá ykkur

Starfsfólk G.Þ.

Drög að skóladagatal fyrir næsta skólaár er komið á tengil hér til hliðar. Skólinn verður settur fimmtudaginn 23. ágúst kl. 10 "á sal" skólans. Eftir setningu verða foreldraviðtöl þar sem umsjónarkennari hittir hvern nemanda með foreldrum til að setja sér markmið og fara yfir skipulagið.

Gleðilegt sumar og vonandi fer skólin að skína meira á okkur.

Tómstund: Grilluðum Lovísubrauð í skóginum

Það er allt á fullu í skólanum þessa dagana. Nemendur eru að klára síðustu verkefnin sín og ekki hægt að segja annað en að það sé kominn "vorfílingur" í mannskapinn.

Nemendur fengu í morgun töskupóst um skipulag síðustu viku þar sem hefðir stýra för frekar en föst stundaskrá. ath. að það verða ekki íþróttir á mánudaginn (gleymdist að setja á blaðið). 

Mánudagurinn 28. maí: Nemendur vinna í hópum og fræðast um loftslagsmál og fleira. Söfnun áheita fyrir þá sem minna eiga sín í heiminum.

Þriðjudagurinn 29. maí: Gróðursetning, götumálun, ruslatínsla og fl.

Miðvikudagurinn 30. maí: Vordagurinn, útþrautir á Þingeyrarodda og grillaðir hamborgarar við sundlaugina. 

Fimmtudagurinn. 31. maí: Starfsdagur, nemendur frí, starfsmenn skólans verða við vinnu í skólanum.

Föstudagurinn 1. júní: Skólaslit í Þingeyrarkirkju kl. 16