Fallega skreytur jólagluggi í skólanum

Hið árlega jólaföndur verður haldið í Grunnskólanum á Þingeyri sunnudaginn 6. desember kl. 13-16.

Laufabrauðið verður á sínum stað og kostar 100 kr. stk.  Einnig verður hægt að skreyta piparkökur, föndra snjókarl og fleira (verð 200-1200 kr.) Posi á staðnum.

Minnum á að gott er að taka með sér hnífa og laufabrauðsjárn ef maður á til að skera laufabrauðið.

9.-10. bekkur verður með veitingar til sölu vegna fjáröflunar á skólaferðalagi.

Hlökkum til að sjá ykkur og eiga notalegan dag saman.

Með jólkveðja

Foreldrafélag G.Þ.

Falleg mynd af áhugasömum nemendum að skoða morgunhimininn

Krakkarnir í Grunnskólanum á Þingeyri nýta stundum frímínúturnar í stjörnuskoðun. Og gaman að segja frá því að Venus, Júpiter og Mars sjást á morgunhimni í desember. Krakkarnir í G.Þ. eru svo  heppnir að hafa Nonna með sér úti sem fræðir þau um stjörnurnar og kennir þeim á stjörnukíkirinn sem skólinn á. Á myndinni sjást áhugasamir nemendur kíkja á Venus sem sást greinileg á mánudagsmorgun.

2. bekkur 27. nóv. 2015

Mjög gómsætt!

« 1 af 2 »

Mánudaginn 30. nóvember verður skreytingardagur í skólanum. Nemendur þurfa því ekki að mæta í íþróttir og sund. Gott væri ef nemendur sem geta taki með sér heftara og það má líka hafa límiða og skrautliti til að gera jólakort.

 Óskum ykkur góðrar helgar og minnum ykkur á að kveikt verður á jólatrénu kl. 16 á laugardaginn 28. nóvember.

Með fréttinni fylgja myndir af 2. bekk sem voru að búa til "hollar" kókoskúlur í heimilsfræði í morgun úr uppskriftarbók Latabæjar

1.-2. bekkur með flutting á Hafið bláa hafið

4.-7. bekkur með flutting á "Lýsingarorðasögu"

9.-10. bekkur með fluttning á "Finnbogi og Felix"

"Gullið" dagbók nemenda

« 1 af 4 »

Mánudaginn 16. nóvember sl. var dagur íslenskrar tungu. Þá lauk formlegu lestrarátaki sem hefur staðið yfir í um 4 vikur. Í tilefni dagsins komu nemendur og starfsfólk skólans saman "á sal" þar sem hvert stig var með atriði. Yngsta stig fór flutti "Hafið bláa hafið" á skemmtilegan hátt og voru nemendur búnir að krifja vísuna og teikna myndir tengdri hverri setningu sem þeir notuðu við fluttninginn. Nemendur á mið stigi fluttu "lýsingarorða" sögu. Þeir voru búnir að búa til sameiginlega sögu og voru svo með lýsingarorða pott og drógu orð í söguna og lásu upp. Nemendur á elsta stigi fóru með ljóð um Finnboga og Felix þar sem lögð var áhersla á mismunandi túlkun og innlifun. Starfsfólk skólans söng ljóð Jónasar Hallgrímssonar (afmælisbarnsins) Stóð ég út í tunglsljósi.

Rúsínan í pylsuendanum var svo úrslit um nafn á dagbókina okkar. Núna skráum við heimalestur, áform og fleira í "GULLIÐ" en nafnið þótt besta tillaga sem barst samkvæmt dómnefnd.

Þökkum fyrir notalega stund og skemmtilega :)

Á morgun fimmtudag 12. nóv. er starfsdagur. Nemendur þurfa því ekki að mæta í skólann. 13. nóvember er vetrarfrí. Eigið góða "langa" helgi og munið að njóta og hafa gaman af því að vera til. 

Dagur eineltis er 8. nóvember næst komandi. Nemendaráð í samstarfi við starfsfólk skólans hafa ákveðið að minna á jákvæð samskipti með því að koma í einhverju grænu í skólann mánudaginn 9. nóvember nk.

Jákvæð og uppbyggileg samskipti láta okkur líða vel. Í stefnu skólans er lagt m.a. áherslu á samheldni og henni höfum við náð þegar við finnum að við erum hluti af hópnum. Ný og uppfærð eineltisáæltun er á tenglagreininn hér til vinstri.

yndislestur=góð stund

Verkefnastjórar þjóðarátaks í læsi hafa boðað læsisráðgjafa hingað vestur. Þeir munu heimsækja  Grunnskólann á Þingeyri fimmtudaginn 5. nóvember næst komandi.

Kl. 13-13:30 er foreldrum boðið á súpufund með ráðgjöfunum „á sal“ skólans.

Vonum að við sjáum sem flesta

Nánari upplýsingar um verkefnið má finna á eftirfarandi slóð:

http://www.menntamalaraduneyti.is/media/hvitbokargogn/l3.-Adgerdaaaetlun-Tillogur-verkefnahops.pdf

Starfsáætlun má finna hér til vinstri í tenglasafni

Starfsáætlun Grunnskólans á Þingeyri hefur verið uppfærð og löguð. Áætlunin er birt hér á heimasíðu skólans. Fræðslunefnd mun fara yfir áætlunina á næsta fundi. Í starfsáætlun skal hver skóli birta stefnu sína samkvæmt aðalnámskrá. Í henni má finna stefnur og markmið starfsins í vetur ásamt almennum upplýsingum um skólahaldið. Einnig eru að finna í áætluninni hinar ýmsu áætlanir, skólareglur og fleira. Við hvetjum foreldra og eldri nemendur til að renna yfir þetta og koma með athugasemdir ef einhverjar eru. Stefna skólans er einnig unnin útfrá skólastefnu bæjarfélagsins.

Minnum einnig á eineltisáætlunina en hana er hægt að finna ásamt starfsáætlun á tenglagreininni hér til vinstri

Það er mjög mikilvægt að allir skilji hugtakið einelti á svipaðan hátt. Skilgreining skólans á einelti:  einelti er langvarandi ofbeldi, líkamlegt og/eða andlegt sem stýrt er af einstaklingi eða hópi og beinist að ákveðnum einstaklingi eða jafnvel einstaklingum. Atferlið er endurtekið og sá sem fyrir eineltinu verður er ekki fær um að verja sig. Tilviljanakennd stríðni,

Eitt helsta markmið skólans er að öllum líði vel í skólanum og að þar ríki gleði 

Við í nemendaráðinu ætlum að halda HALLOWEEN diskó í skólanum 30. október (föstudag). Diskóið byrjar kl. 18-20 og er fyrir 1.-10. bekk.

Það kostar 200 kr. á ballið í búning en 300 kr. ef þú ert ekki í búning  Það má koma með gotterí og gos.

Vonandi koma sem flestir! J

Kveðja Nemendráðið

Áhugasamir nemendur að fræðast um flokkun sorps

Við færibandið að flokka

Labbað í bakaríið :)

Meiriháttar miðstig í bakarí saman

Heimleið

« 1 af 5 »

MIðvikudaginn 21. október sl. fór "Meiriháttar miðstig"  á Ísafjörð í heimsókn til Gámaþjónustu Vestfjarða að skoða hvernig flokkun sorps fer fram. Nemendur fengu að flokka plast frá pappír á færibandi. Þau fengu einnig að vita ýmislegt um flokkunarmál íbúa Ísafjarðarbæjar og nágranna byggðarlaga.

Það kom þeim á óvart að sumir henda í flokkunartunnur sínar því sem alls ekki á heima þar. Gámaþjónustumenn sögðu þeim einnig að það kæmi fyrir að mýs læðist með í ruslapokana, sérstaklega á haustin þegar kólna tekur. Fólk er nefnilega stundum latt við að fara alla leið í tunnuna með ruslapokana sína og setur þá fyrir utan dyrnar, þangað til það fer næst út. Þá er greið leið fyrir mýsnar að hoppa inn í pokana og fela sig þar og fá svo frítt far í tunnuna og þaðan í gámabíl og að lokum í flokkunarstöð.  Nemendur spurðu margs og fannst allt rosalega spennandi nema kannski lyktin.

Við spurðum hvort  að Þingeyringar séu duglegir að flokka en fengum það svar að þeir þurfi að taka sig verulega á í þeim efnum.

Í lok heimsóknarinnar fengu allir Prins Polo og Svala

Við þökkum Ragnari og félögum  hjá Gámaþjónustunni kærlega fyrir móttökurnar