Nemendur í 1.-2. bekk á bekkjarkvöldi

Dansað með appelsínu "á milli" rosalega fyndið

Hlaðborðið

Hlutaleikur sem reynir á minni

Mjög sniðugur leikur :)

« 1 af 6 »

Í byrjun mars sl. hélt yngsta stig rosalega velheppnað bekkjarkvöld. Á bekkjarkvöldið buðu nemendur og umsjónarkennari foreldrum/ömmum og öfum í skólann. Nemendur höfðu valið sér hlutverk fyrir kvöldið, einhverjir sáu um að vera kynnar og aðrir voru umsjónarmenn leikja og spyrlar. Farið var meðalannars í hlutaleik, dansað með appelsínu "á milli" og spurninga leikinn Kahoot. Hver og einn kom svo með meðlæti á ávaxta,-grænmetisbakka eða öllu heldur borð því úr varð hið girnilegasta hlaðborð. Viðburðurinn tókst rosalega vel og allir skemmtu sér konunglega, börn og fullorðnir. Nokkara myndir fylgja fréttinni sem fönguðu stemmninguna.

Klæðumst bláu á BLÁA DAGINN föstudaginn 1. apríl

Alþjóðlegur dagur einhverfunnar er á næsta leiti og föstudaginn 1.apríl næstkomandi hvetjum við alla til að klæðast bláu og vekja þannig athygli á málefnum einhverfra barna en blái liturinn hefur fest sig í sessi sem litur einhverfunnar um heim allan. Líkt og undanfarin ár er það BLÁR APRÍL – Styrktarfélag barna með einhverfu, sem stendur fyrir deginum.

Markmið bláa dagsins er að vekja athygli á einhverfu og fá landsmenn alla til að sýna einhverfum stuðning sinn. Með aukinni vitund og þekkingu á einhverfu byggjum við upp samfélag sem er betur í stakk búið til að skilja þarfir einhverfra og virða framlag þeirra til samfélagsins. 

Síðustu ár hafa flestir skólar landsins og fjölmörg fyrirtæki og stofnanir tekið þátt í bláa deginum með því að hafa bláa litinn í fyrirrúmi. Margir hafa brugðið á það ráð að setja myndir á instagram og facebook og merkja þær með myllumerkinu #blarapril sem hefur gætt daginn skemmtilegum blæ og hjálpað til við að breiða út þennan jákvæða boðskap.

Grunnskólinn á Þingeyri ætlar að taka þátt!

Páskakanína eftir Nönnu Björg í 1. bekk

Sýnishorn af páksaskrauti í 2. bekk

"Á sal" páskabingó

Gaman saman :O)

Gulli og Óðinn aðalmennirnir í Bingóinu ;)

« 1 af 7 »

Nú er að hefjast kærkomið páskaleyfi í skólanum. Það er búið að vera mikið fjör í kringum árshátíðina sem haldin var núna 17. mars sl. Nemendur á öllum stigum stóðu sig frábærlega og ekki annað hægt að heyra á foreldrum og gestum sýninganna að þeir hafi skemmt sér konunglega. Einnig eiga kennarar og Guðrún og Jón kærar þakkir skilið fyrir alla þjálfun og aðstoð. Það er ómetanlegt fyrir skólastarfið að vera ríkt af skapandi fólki, ungum og öldnum . Einnig þökkum við Leikskólanum Laufás og flottustu indíjánunum fyrir frábært atriði

Í morgun spiluðu allir PáskaBingÓ "á sal" stemmninguna má sjá á meðfylgjandi myndum. Markmið leiksins var að hafa gaman saman og samgleðjast með þeim sem vinna.

Skóli hefst aftur eftir páskaleyfi 29. mars samkv. stundaskrá.

Gleðilega páska

Kóngur, drottning, prinsessa og prins koma m.a. fram í leikritinu Froskaprinsinn

Hæstréttarlögmaður lendir í skemmtilegum hremmingum eftir að hafa náð peningum af henni Fínu frænku 😂

Ævintýri enn gerast....

« 1 af 3 »

Árshátíð G.Þ. 2016 verður fimmtudaginn 17. mars. Fyrri sýning verður kl. 10, Leikskólinn Laufás verður með atriði og boðið verður upp á ávexti í hléi. Seinni sýning verður kl. 20, elsta stig verður með sjoppu í hléi, ágóði rennur í ferðasjóð þeirra. 

Þemað í ár er ævintýri með dass af gríni og alvöru. Hvert stig er með "sitt" atriði og lögð er áhersla á að hafa gaman og vinna saman=gleði. Allir eru hjartanlega velkomnir. Aðgangseyri er 1500kr 16 ára og eldri 😀

Upplýsingar um mætingar nemenda senda umsjónakennarar í tölvupósti.

Ævintýratré gerð klár af kátum stelpum á miðstigi

Brunnur, sól og máni á yngsta stigi að verða til

Leikskráin að verða til í umsjá elsta stigs nema

Miðar og auglýsingar að verða til í umsjá elsta stigs nema

Skemmtileg sköpunar-undirbúningsvinna "á sal"

« 1 af 5 »

Árshátíð G.Þ. verður 17. mars nk. og því mikið um að vera þessa dagana í skólanum. Nú eru nemendur að æfa leikrit, hvert stig fyrir sig. Ákveðið hefur verið að annað hvert ár skuli vera sett upp eitt stykki allir saman til skiptist við það fyrirkomulag að hver námshópur sýni "sitt" stykki. Með þessi teljum við að líkur á því að hver og einn njóti sín og takist á við fjölbreytileg verkefni aukist. 

Í morgun hófst leikmyndavinna og því mikið líf og fjör um allan skóla þar sem nemendur nutu sín í teikningu og málun. Einnig sjá nemendur um að hanna auglýsingar og aðgöngumiða. Meðfylgjandi myndir sýna best stemninguna. Undanfarin ár hafa árshátíðar leikritin snúist um samskipti með áherslu á samheldni. Í ár ætlum að að leggja áherslu á að halda í samheldnina og bæta við gleði. Þemað í ár er ævintýri og grín

Bríet og Hanna að fara að keppa á Flateyri :)

Keppendur "litlu"keppninnar. Nemendur í 7. bekk á Þingeyri, Flateyri og Suðureyri

« 1 af 2 »

Fimmtudaginn 3. mars sl. fór fram úrslitakeppnin í Stóru upplestarkeppninni á Ísafirði. Fulltrúi í keppninni fyrir hönd G.Þ. var Bríet Vagna Birgisdóttir. Bríet var valin í keppnina fyrir hönd skólans í "litlu" upplestrarkeppninni" sem haldin var á Flateyri 29. febrúar sl.

Að þessu sinni voru það 11 nemendur úr 7. bekk sem tóku þátt í hátíðinni, þ.e 1 frá Flateyri, 1 frá Þingeyri, 1 frá Suðureyri, 3 frá Bolungarvík og 5 frá Ísafirði. Efnið sem nemendur lásu var brot úr sögu eftir Bryndísi Björgvinsdóttir og ljóð  eftir Guðmund Böðvarsson. Dómnefnd valdi  þrjá bestu upplesarana og veittu  þeim verðlaun.  

Krakkarnir stóðu sig allir með stakri prýði. Sigrún Jóhannsdóttir frá Grunnskóla Önundarfjarðar sigraði í keppninni og óskum við henni til hamingju með sigurinn. Keppnin er orðin hluti af skólastarfinu og er liður í því að efla og bæta lestur og framsögn. Stóra upplestrarkeppnin hófst í Hafnarfirði árið 1996 og er því  orðin 20 ára.

Fjórir nemendur á yngsta stigi komast fyrir á einum Fatboy

Skólastjóri kynnir gestina þær Jovinu, Sonju og Öldu úr Kvenfélaginu Von

Hægt að breyta FatBoy í lítinn sófa

Aðstoðamaður að hjálpa til við að kíkja í kassann

Glæsilega gulur :)

« 1 af 5 »

Í byrjun febrúar fékk skólinn frábæra og veglega gjöf frá Kvenfélaginu Von. Þar sem allir nemendur eru búnir að vera duglegir að bæta sig í lestri og skólinn að skipuleggja hvert lestrarátkið eftir öðru kemur sér vel að bæta aðstöðu til lestursins og gáfu kvenfélagskonur staðarins skólanum 3 FatBoy sem eru grjónapúðar sem nýtast á marga vegu, hægt er að liggja á þeim og sitja á margan hátt allt eftir stærð einstaklinga.

Skólinn, sérstaklega nemendur og líka starfsfólk þakkar aftur kærlega fyrir stuðninginn sem á án efa eftir að nýtast vel í skólastarfinu ásamt því að lestarhestar bæti sig meira og lesi miklu meira :)

Auglýsing listasýningar

Nemendur á yngsta stigi að vinna videóverk

« 1 af 2 »

Í síðustu viku fengum við nokkra listamenn sem unnu með mismunandi hópum eftir aldri í listasmiðjum.

Nemendur í 1-7. bekk breyttu kennslustofu í myndavél með það að markmiði að fá nemendur til að skilja grunninn í ljósmyndun. Síðan vöru klippt saman í vídeóverk, ljósmyndir og/eða videó inn í teikningar sem nemendur unnu. Verkið í heild verður frumsýnt á listasýningunni Vegna veðurs laugardaginn 20. febrúar eftir kl. 14 (nánari upplýsingar í Simbahöllinni um tímasetningu viðburðar og á facebook síðu Simbahallarinnar). Nemendur í 7-10. bekk unnu lítið heimildarmynda verkefni með spjaldtölvum. Unglingunum var ýtt út að vinna videoportretta um valda einstaklinga í samfélaginu. Mjög skemmtileg stofa sem Haukur (tjaldbúi) sá um. Þriðja smiðjan var fyrir nemendur í 6-10. bekk Hljóð vs óhljóð. " Í gegnum hlustun og spunaæfingar fengu þátttakendur aukinn skilning á ólíkum tegundum hlustunar og hvernig hægt er að greina milli þeirra. Þessi reynsla getur hjálpað þeim að tileinka sér gagnrýnið sjónarhorn á hljóð og opnað sýn þeirra á tengsl hljóðs við ólíka listmiðla" segir listamaðurinn Mykolas sem verður með hljóðleik í kirkjunni á sýningardegi.

Hópmynd með þjálfurum

Kynning á æfingatöflu

Trampólin og dýna í skotæfingum

Stórir og smáir í leik saman

« 1 af 7 »

Því miður komust Íslendingar ekki áfram á síðasta stórmóti. En við getum þó verið hreykinn af Íslendingnum Dag Sigurðssyni sem kom Þjóðverjum í 1. sætið á Evrópumeistaramótinu um daginn. Síðan skólinn byrjaði eftir áramót hefur áhugi fyrir handbolta aukist og margir nemendur óskað eftir því að spilað verði handbolti í íþróttum. Í gær fimmtudaginn 4. febrúar komu til okkar 2 þjálfarar þeir Grétar og Davíð til að kynna okkur fyrir handboltaíþróttinni og segja okkur frá æfingum sem eru á Ísafirði. Þjálfararnir hittu nemendur í 4.-10. bekk. Nemendur skemmtu sér konunglega í "öðruvísi" íþróttatíma þar sem ýmiss tækniatriði voru kennd. Ef áhugi er fyrir því eru þeir tilbúnir til að koma á Þingeyri 1x í viku með æfingu. Með fréttinni fylgja nokkrar myndir sem Guðrún okkar tók.

Takk fyrir komuna

Vindaspá á hádegi 5. febrúar

Skólahald er ekki fellt niður vegna veðurs nema brýna nauðsyn beri til. Þá er það tilkynnt í RÚV (Rás 1 og Rás 2), Bylgjunni og á heimasíðu skólans svo fljótt sem verða má. Telji forráðamaður nemanda veður eða veðurútlit varhugavert þótt engin tilkynning hafi borist frá skóla varðandi skólahald, ber honum að meta hvort óhætt sé að senda nemandann í skólann. Slíkt þarf að tilkynna með því að hringja í skólann. Ef óveður skellur á meðan nemendur eru í skólanum þá er yngstu nemendum ekki hleypt heim og krafa gerð um að foreldrar sæki börn sín eða tryggi örugga heimferð á annan hátt. Nemendum er tryggð aðstaða í skólanum svo lengi sem þarf. Varðandi skólabíl fyrir sveitina, þá metur bílstjóri  ástandið í þeim tilvikum sem skólastarfi er ekki formlega aflýst. Ef þeir telja akstur ótryggan eða varhugaverðan og heimferð e.t.v. í óvissu þá hafa þeir sambandi við sitt fólk og skólann.

Ef það er rafmagnslaust og/eða netið úti er vara sími skólans 891-8359!