Blár apríl í fyrra

Þriðjudaginn 4. apríl ætlum við að koma í einhverju bláu í skólann í tilefni af alþjóðlegum degi einhverfunnar. Við hvetjum foreldra til að vera með og ræða og fræða börn sín um einhverfu.

Markmið dagsins er að fá landsmenn alla til að sýna einhverfum börnum stuðning og fræðast um einhverfu..

Við fögnum fjölbreytileikanum og ætlum að setja bláan skemmtilegan blæ á daginn og breiða út jákvæðan boðskap.

Fleiri upplýsingar og fræðslumyndband er að finna á www.blarapril.is

Gleði & samkennd

Í dag 21. mars tókum við þátt í skemmtilegum degi sem minnir á fjölbreytileika og alþjóðlega Downs-daginn með því að klæðast mislitum sokkum. Fólk um allan heim tók þátt og lögð var áhersla á að hafa gaman og allir glaðlegu litirnir í sokkunum í dag gerðu daginn skemmtilegri. Við leggjum áherslu á að enginn er eins og allir eiga rétt á því að líða vel og vera þeir sjálfir. 

Vinningshafar með kennurum sínum, Auðbjörg og Jónína Hrönn lengst til hægri

Anna úr G.Í, Íris úr G.B. og Auðbjörg úr G.Þ.

Auðbjörg Erna og Gréta Proppé

« 1 af 3 »

Stóra upplestrarkeppnin var haldin í Hömrum, sal Tónlistarskólans fimmtudagskvöldið 9. mars sl. Tólf nemendur úr 7. bekk á norðanverðum Vestfjörðum lásu sögubrot úr Bláa hnettinum eftir Andra Snæ Magnason og ljóð eftir Steinunni Sigurðardóttur. Auk þess lásu allir eitt sjálfvalið ljóð. Dómurum var vandi á höndum að gera upp á milli þessara frábæru lesara sem stóðu sig frábærlega. Úrslitin urðu þau Auðbjörg Erna Ómarsdóttir frá Grunnskólanum á Þingeyri sigraði, Íris Embla Stefánsdóttir frá Grunnskólanum í Bolungarvík hafnaði í öðru sæti og Lena Rut Ásgeirsdóttir frá Grunnskólanum á Ísafirði í því þriðja.

Dómarar þetta árið voru þau Baldur Sigurðsson, Anna Þ. Ingólfsdóttir, Heiðrún Tryggvadóttir og Kristín Ósk Jónasdóttir. Guðrún Birgisdóttir skóla- og sérkennslufulltrúi Ísafjarðarbæjar hélt utan um dagskrána, en Rósbjörg Edda Rúnarsdóttir, sem hafnaði í 2. sæti keppninnar í fyrra, las inngangstexta. Skólalúðrasveit Tónlistarskólans lék nokkur lög í upphafi og sá um að koma öllum í rétta gírinn og skapa hátíðlega stemningu.

Við óskum öllum lesurum, kennurum og foreldrum til hamingju með þennan góða árangur.

Lokahátíð Stóru upplestrarkeppninnar fer fram í Hömrum fimmtudaginn 9. mars kl. 18:00. Á hátíðinni munu nemendur úr 7. bekk, sem valdir hafa verið úr Grunnskólum Ísafjarðarbæjar og Bolungarvíkur, lesa verk eftir skáld keppninnar, sem að þessu sinni eru þau Steinunn Sigurðardóttir og Andri Snær Magnason. Fyrir hönd Grunnskólans á Þingeyri lesa þær Auðbjörg Erna Ómarsdóttir og Gréta Proppé.
Að lestri loknum mun dómnefnd velja þrjá bestu lesarana og veita þeim verðlaun. Gestir eru velkomnir á meðan húsrúm leyfir.

Hringrás lífsins-loka lag

Takk allir fyrir komuna á árshátíð skólans í síðustu viku. Við í skólanum erum stolt af nemendum sem allir tóku þátt í undirbúning hvort sem það var í leik, söng, leikmynd, andlitsmálun eða búningagerð. Allir stóðu sig mjög vel á sýningardeginum og nokkuð ljóst er að við eigum nokkra framtíðar leikarar í hópnum okkar. Boðskapur leikritsins er að hið góða sigrar að lokum. Skólasýning að þessu tagi er ómetanleg í þorpi eins og Þingeyri og þjappar okkur öllum svolítið saman. Orðatiltækið það tekur heilt þorp að ala upp barn á svo sannarlega við. Hakunamatata þýðir engar áhyggjur, ef við erum áhyggjulaus gengur lífið svo miklu betur og við erum opnari fyrir því að læra. Áfram G.Þ.

Simbi teikning eftir Robert 7. bekk

Miðvikudaginn 1. mars verður árshátíð Grunnskólans á Þingeyri haldin í Félagsheimilinu á Þingeyri. Nemendur hafa undanfarin misseri verið að undirbúa og leika söng,- og leikritið Konungur ljónanna. Frumsýning verður kl. 10 og mun leikskólinn Laufás verða með fyrsta atriðið á þeirri sýningu og ávextir í boði í hléi. Seinni sýning verður kl. 20 og sjoppa í hléi.

Aðgangseyri er 1500 kr. fyrir 16 ára og eldri.

« 1 af 2 »

Tónleikarnir voru haldnir í Eldborgarsal Hörpu. Tónleikunum var streymt og eina sem við þurftum var slóð og tengja tölvu við sjónvarpið okkar til að við gætum tekið þátt í verkefninu í skólanum hér á Þingeyri.

Við gerum hjartað okkar m.a. sterkara með því að vera duglega að hreyfa okkur og leika úti.

Febrúar er hjartamánuðurinn og við í Grunnskólanum á Þingeyri ætlum að taka þátt í honum. Árið 2009 fór Ísland í samstarf með alþjóða hjartasamtökunum og GoRed verkefninu með megináherslu á konur og hjartasjúkdóma. Verkefnið hefur síðan þróast hjá okkur í gegnum árin og að þessu sinni er allur mánuðurinn undir, efnið óháð kyni og aldri því hjartaheilsa varðar alla.

Hjarta dagurinn okkar að þessu sinni er föstudagur 3. febrúar n.k. Nemendur og starfsfólk skólans er því hvatt til að mæta í rauðu og sýna þannig í verki að við eigum að hugsa vel um hjartað okkar.

Íslenska kindin er falleg, hlý og góð

Harðfiskur er góður

« 1 af 2 »

Þorrablót Grunnskólans á Þingeyri verður haldið í sal skólans föstudaginn 3. febrúar,  kl 18:00 til 20:30,  

fyrir alla nemendur og starfsmenn skólans.

Verð er 250 kr á mann.

Allir koma með sinn mat í skólann a.m.k. 2 tegundir af þorramat (og annað sem manni þykir gott) og drykk (má koma með gos).

Valin verða Halur og Snót kvöldsins.  Titilinn hljóta drengur og stúlka sem hafa mesta úrvalið af þorramat og borða hann.

Nemendaráð sér um spennandi dagskrá á borðhaldinu.

Að borðhaldi loknu hefst diskótek í umsjón

dJ. Kristjáns fyrir alla gesti kvöldsins og stendur til kl.20:30.

-   Komum saman, skemmtum okkur og verum glöð.

Kv. Nemendaráðið

Féló er opin til kl. 10:30 fyrir 7.-10. bekk með Kristínu eftir blót.