Ár hvert er lögð fyrir könnun hjá nemendum í 6. - 10. bekk Grunnskólans á Þingeyri þar sem lagðar eru fyrir spurningar um hagi og líðan nemendanna. Þessi aðferð er liður í því að spyrja nemendur um þeirra líðan, virkni í námi ásamt almennum spurningum um skólann og bekkjaranda. Niðurstöður eru síðan skoðaðar með því markmiði að bæta innra starf skólans. Könnunin verður lögð fyrir í vikunni 21.október – 25.október 2013.

Rannsóknin er framkvæmd af Rannsóknir og greining ehf. Mælitæki rannsóknarinnar eru ítarlegir spurningalistar sem hafa verið þróaðir ár frá ári, fyrst af starfsfólki Rannsóknastofnunar uppeldis- og menntamála en á síðari árum af Rannsóknum & greiningu.

Spurningarnar eru mótaðar af fagfólki í félagsvísindum þar sem farið er eftir ströngum kröfum um að þær geti af sér öruggar niðurstöður, að áreiðanleiki og réttmæti sé ávallt í fyrirrúmi.

Nemendur fá með sér blað á næstu dögum þar sem óskað er eftir því að foreldrar láti vita hvort barnið þeirra eigi ekki að taka þátt í könnunni.

Í þessum rituðum orðum eru nemendur í 1.-7.bekk á Flateyri ásamt Grunnskólanum á Surðureyri og etja kappi í hinum ýmsu leikjum. Á meðan nýtur unglingastigið tímann og vinnur í hinum ýmsu verkefnum. Unglingastigið fer næsta föstudag til Bolungarvíkur og tekur þátt í íþóttahátíðinn sem ætluð er 8.-10.bekk. Eftir að nemendur hafa tekið þátt í hinum ýmsu kappleikjum er farið á dansleik þar sem allir geta dansað af sér skóna við fjöruga tóna.

Næstkomandi fimmtudag (10.október) ætlum við að þeyta skólahlaupið. Við byrjum kl 10:00 og verður í boði að hlaupa þrjár mismunadi vegalengdir. Þegar allir hafa lokið við sitt hlaup ætlum við að skella okkur í sund og slaka svolítð á. Þennan dag falla tímar niður bæði í íþróttum og sundi. Að öðru leiti verður skóladagurinn eins og stundataflann leggur upp með.

Í framhaldi af þessu fréttum óskum við öllum góðrar helgar og vonum svo sannlega að hún verði ánæguleg í alla staði

Gengið upp Ausudal (miðstig)

•  Síðasta vika gekk vonum framar og allir gerðu sitt besta. Fyrsti tíminn í áhugasviði var á föstudaginn og verður spennandi að sjá afrakstur vinnunnar hjá nemendum þegar þeir ljúka við sitt, verkefnin eru fjölbreytileg og unnin í samvinnu við kennara.

• Samræmdu könnunarprófin eru í þessari viku hjá 4., 7., og 10.bekk. Hafa nemendur undirbúið sig vel og vandlega og liggur fyrir að allir ætla að gera sitt besta. Þá daga sem könnunarprófin eru fara nemendur heim að því loknu.  

• Sundnámskeiðið hjá 1.-4.bekk lýkur á miðvikudaginn og hefur gengið vonum framar hjá þeim. Lögð hefur verið áhersla á skriðsund og hafa allir nemendur tekið framförum á þessum tíma. Næsta námskeið verður í desember. Við minnum foreldra á þegar nær dregur að námskeiði tvö. 

• Eins er síðasta vikan í útileikfimi hjá öllum námshópum og því vert að minna á hluti eins og tátiljur eða sokka með gúmmí undir fyrir 1.-4.bekk. Aðrir námshópar eiga að vera í skóm. Alltaf er gott að ítreka sturturegluna og muna eftir viðeigandi fylgihlutum eins og handklæði og fleiru.

• Mánudaginn 30.september  er starfsdagur og nemendur þurfa ekki að mæta í skólann. Kennarar fara   í vinnuferð á Flatreyri vegna innleiðingar á nýju aðalnámskránni

Miðstig með umsjónarkennara og tveimur foreldrum í gönguviku

Næstkomandi þriðjudag 17.sept. kl 17:00 er haustkynning í G.Þ. Þar verður kynning á skólastarfinu þar sem áhersla er lög á jávæð og uppbyggileg samskipti milli heimilis og skóla. Einnig verður kynning á Mentor og heimasíðu sem eru öflugir miðlar í samskiptum heimilis og skóla. Einnig verða viðbragðsáætlanir og aðrar bjargir kynntar vegna eineltis og annarra mála er viðkoma líðan nemenda. Að lokum fara foreldrar með umsjónarkennara sinna barna í heimastofur og þar er meðal annars valið í bekkjarráð og foreldraráð. Vonumst til að sjá ykkur öll, kveðja skólastjóri og kennarar.

Yngstastigið á Suðureyri

Föstudaginn 6. september halda kennarar við skólann ásamt kennurum úr öllum grunnskólum á vestfjörðum á kennaraþing K.S.V. Nemendur þurfa því ekki að mæta í skólann þann dag.

Skólastarf haustsins hefur gengið mjög vel, en í þessari viku er göngu- og útvistarvika (sjá frétt hér fyrir neðan). Í síðustu viku fórum við þrjá daga yfir á Suðureyri og tókum þátt í tónlistarsmiðjum með nemendum Grunnskólans á Suðureyri. Myndir úr tónlistarsmiðjunum má sjá í tenglinum myndasafn hér til vinstri. Eitt af markmiðum skólans er að efla jákvætt foreldrasamstarf og óhætt að segja að foreldrar hafi verið mjög öflugir í upphafi ársins með þátttöku þeirra á þessum fyrstu dögum skólans, bæði vegna tónlistarsmiðjunnar, gönguvikunnar og auðvitað foreldraviðtalanna. Vonum að foreldrar hafi haft jafn gaman að þessari vinnu eins og við:)

Efstastig upp á Arnarnúp haustið 2012

Í vikunni, 2.-6. september verður lögð áhersla á göngu- og útiveru í skólanum. Kennarar munu fara út með nemendum, ýmist til að nálgast námsefnið á annan hátt, kynna sér umhverfið og náttúruna og/eða til að bregða á leik.

Mikilvægt er því að nemendur komi vel klæddir í skólann og tilbúnir til að vera utandyra hluta skóladagsins.

 Hver nemendahópur fær sérstakan göngudag eins og sjá má hér fyrir neðan.

1.- 4. bekkur gengur um Sandafell, þriðjudaginn 3.september

5.- 7. bekkur gengur Ausudag, miðvikudaginn 4.september

8.-10. bekkur gengur á Kaldbak, fimmtudaginn 5.september  

Ef ekki viðrar til gönguferða á tilsettum degi verður reynt aftur næsta dag o.s. frv. Ef útlit er tvísýnt um veður göngudaginn mun ákvörðun liggja fyrir í skólanum snemma morguns og foreldrum því óhætt að hringja og fá upplýsingar.

Óskað er eftir því að foreldra taki þátt í göngudeginum með okkur og aðstoði við að ferja nemendur til og frá göngustað. Vinsamlegast hafið samband við umsjónarkennara í því sambandi.

Það sem gott er að hafa í huga við undirbúning gönguferða:

1. Hafa léttan bakpoka
2. Vera í góðum skóm
3. Að vera vel klæddur (gallabuxur ekki góðar í gönguferðum) hafa húfu, vettlinga og létt regnföt 
4. Hafa gott nesti, samloku, drykk og vatnsbrúsa

 Heimkoma í skólann verður milli kl:13:00–14:00 úr stóru gönguferðinni. Nemendur fá hádegismatinn þegar þau koma til baka í skólann. Þegar nemendur hafa lokið við hádegismatinn lýkur þeirra skóladegi þann daginn.  

Frá grænadeginum vorið 2013

Í þessari viku, miðvikudaginn 28. ágúst, fimmtudaginn 29. ágúst og föstudaginn 30. ágúst ætlum við að brjóta upp skólastarfið og fara yfir á Suðureyri í tónlistarsmiðjur. Grunnskólinn á Suðureyri bauð okkur og Grunnskóla Önundarfjarðar að vera með í verkefni þar sem tónlistarfólk fær nemendur til þess að vinna mér sér í tónlistarsköpun. Þetta eru meistaranemar í tónlistarsköpun víðs vegar frá Evrópu. Þetta er fólk í kringum 25 ára aldurinn og er þetta verkefni hluti af þeirra mastersnámi í tónlistarsköpun. Þau eru 32 talsins og munu þau vinna með nemendum í hópum. Tónlistafólkinu fylgja svo kennarar sem aðstoða og meta vinnu þeirra. Kennarar og starfsfólk skólans fara með alla daganna og óskum við eftir því að foreldar aðstoði okkur með keyrslu þessa daga. Ef foreldrar bjóða sig fram við akstur eru þeir vinsamlega beðnir um að setja sig í samband við skólann. Að geta bara keyrt aðra leiðina væri frábær aðstoð svo við getum tekið þátt í þessu frábæra verkefni. Ef foreldrar sjá sig færa að vera með okkur allan tímann væri það enn betra. Tilvalin leið til að auka foreldrasamstarf. Við förum frá Þingeyri kl. 09:00 um morgunninn og leggjum svo aftur á stað frá Suðureyri um kl. 12:40. Nemendur þurfa að hafa með sér hollt og gott nesti. Þeir sem eru í mötuneytinu fá léttan hádegisverð á miðvikudeginum og fimmtudeginum. Hinir þurfa að taka með sér auka hádegisnesti. Skóladegi lýkur þessa þrjá daga þegar heim er komið um kl. 13:40.

"Samhugur"

• Við byrjum á því að minna á skólareglurnar sem við ætlum að vinna eftir í vetur. Þær voru unnar á síðasta árið með starfsfólki og nemendum skólans. Foreldrar fá frekari kynningu á þeim á foreldrafundi sem haldinn verður í september og verður auglýstur seinna.
• Finni mun halda áfram að sinna skólaakstri og eru það 5 nemendur sem nýta sér þá þjónustu þennan veturinn. Mikilvægt er að foreldrar tilkynni skólabílnum ef upp koma veikindi eða annað og ef nemandi þarf ekki að nýta sér skólaaksturinn. Foreldra fá þessar upplýsingar með sér heim.
• Íþróttir og sund er stór þáttur í skólastarfi okkar og við byrjum á úti íþróttum fram til 1.okt.  vil ég minna á viðeigandi klæðnað ásamt því að mæta með jákvæðu hugarfari því hreyfing er mikilvæg okkur öllum. Sundið hefst samkvæmt stundatöflu 2.sept. Það hafa orðið breytingar á hópaskiptingu og fá foreldrar frekari upplýsingar um það í foreldraviðtölum.
• Í 1.-4.bekk verður það þannig að við óskum eftir því að börnin mæti í stömum sokkum eða tátiljum þegar við byrjum á inni leikfimi. Þetta er fyrirbyggjandi leið vegna sveppasýkingar.
• Stundataflan er gefin út með fyrirvara um breytingar. Þegar skólastarfið hefst og við byrjum að vinna eftir töflunni er alltaf möguleiki á því að eitthvað þarf að breyta og bæta til þess að skóladagurinn nýtist okkur sem best í vinnu nemenda og kennara.
• Áskriftir í mat, ávexti og mjólk verður hjá umsjónarkennurum. Sama fyrirkomulag verður með matinn og óskum við eftir því að foreldrar verið búnir að ská börnin sín og greiða fyrir 10.sept.

Grunnskólinn á Þingeyri verður settur á sal skólans fimmtudaginn 22. ágúst kl. 11:00. Nýr skólastjóri, Stefanía Helga Ásmundsdóttir mun setja skólann og kynna áherslur vetrarins. Nemendur munu því næst ganga í sínar heimastofur ásamt sínum umsjónarkennurum eins og venja er og fá hjá þeim upplýsingar um stundatöflu, mjólkuráskirft, mötuneyti, foreldraviðtöl og fl.

Innritun í tónlistarnám á Þingeyri verður einnig fimmtudaginn 22. ágúst kl. 17-19 í Félagsheimilinu. Píanóleikarinn Tuuli Rahni verður deildarstjóri og aðalkennari útibús Tónlistarskóla Ísafjarðar á Þingeyri í vetur eins og undanfarin ár. Námsframboðið er fjölbreytt: píanó, hljómborð, harmonikka, blokkflauta, þverflauta, gítar, bassi, trommur, dægurlagasöngur f. börn og fl.

Nánari upplýsingar í síma: 456 3925 (skrifstofa) og 864 5286 (Tuuli) og á vefsíðunni: www.tonis.is