Halur og snót 2014

Á þorrblótinu sem haldið var um daginn voru tilnefnd Halur og snót. Nafnbótina hljóta hann og hún sem hafa með sér flestar tegundir þorramats og BORÐA hann. Þetta er skemmtileg hefð og gaman að sjá hvað margir voru þjóðlegir í sér. Sigurður Þorkell Vignir var halur með 14 sortir og Ásrós Helga var snótin með 19 sortir. Gaman að því.

Annars eru nemendur á fullu við að klára vetrarönnina og sinna verkefnum sínum. Árshátíðar undirbúningur er kominn á nokkuð skrið (ath. breytta dagsetningu 3. apríl í stað 27. mars). Einnig er margir nemendur í sýningunni um hana Línu Langsokk sem Íþróttafélagið Höfrungur ætlar að frumsýna 8. mars. Það er því nóg um að vera í "sveitinni" og gaman að vera til.

Eigið góðar stundir

Mjólk er rík af kalki og nauðsynleg m.a. uppvexti beina og tanna

Góð regla er að borða 5x á dag gænmeti og ávexti

« 1 af 2 »

Okkur langar til að minna foreldra á mjólkuráskriftina og ávextina. Greiða þarf inn á sitthvorn reikninginn. Reikningsupplýsingar fylgir fréttinni en best er að ganga frá greiðslum í heimabanka eða niður í banka. Ef einhverjar spurningar vakna er langbest að tala við Guðrúnu Snæbjörgu.

Mjólkurreikningur

0154-15-250156

Kt: 560686-1299

Gjaldið er 2500 kr. eftir áramót

Ávaxtareikningur

0154- 05 400144

Kt: 560686-1299

Gjaldið er 4.140 kr. eftir áramót

Í dag hefjast námsmatsdagar að vetri sem þýðir að nemendur þreyta kannanir og skila af sér verkefnum sem metin eru til einkunna. Kennarar hafa sent með nemendum og/eða í tölvupósti til foreldra upplýsingar um skil og viðfangsefni fyrir hvern dag en námsmatsdögum lýkur 11. febrúar. 17. -19. febrúar eru svo foreldraviðtölin þar sem nemendur setja sér ný markmið fyrir vorönnina og fara yfir gengi á vetrarönn með umsjónarkennarar og foreldrum.

Hver er sinnar gæfusmiður

Gangi ykkur vel

<3

Foreldrafélag G.Þ. vill minna félagsmenn sína á foreldrafélagsgjöldin. Hægt er að greiða gjöldin í heimabanka eða ganga frá greiðslum í bankanum. Birtum við hér reikningsupplýsingar fyrir þá sem þurfa:

0154-05-400174 Kt. 441005 - 0670

(2.000 kr. á heimili óháð barnafjölda)

Foreldrafélagið tekur þátt í mörgum verkefnum á skólaárinu, ef allir muna eftir því að greiða gjöldin verður félagið öflugra og getur þar af leiðandi styrkt skólastarfið enn frekar.

"Góða skemmtun"

Nú líður senn að föstudeginum 24. janúar og þá höldum við okkar árlega þorrablót með hefðbundnu sniði. Þorrablótið hefst kl 17:00 og lýkur kl 20:00. Það kostar 250 krónur á nemenda. Nemendaráð sér að mestu um skipulagningu en starfsfólk skólans verður með sitt árlega skemmtiatriði ásamt atriðum frá nemendum á elstastigi og miðstigi. Að venju koma nemendur með þorramat að heiman og allir sem einn mæta með góða skapið og við höfum gaman saman.

Úr atriði kennara á Þorrablóti 2013

Erum að byrja undirbúning á leikriti fyrir árshátíð þar sem allir nemendur ætla að leika saman leikritið „Dýrin í Hálsaskógi". Þessi hugmynd hefur komið upp í mörg ár að vinna sameiginlega að einu stóru leikriti í stað þess að hver nemendahópur sé með sitt atriði. Það eru því spennandi og skemmtilegir tímar framundan. Stefnt er á að halda árshátíðina 27. mars nk. (sjá skóladagatal hér til vinstri). Foreldrakönnun er á næsta leiti og hvetjum við foreldra til að taka þátt í henni því án þátttöku foreldra er lítið varið í skólastarfið og könnunin tæki til að koma mikilvægum upplýsingum á framfæri.

Nemendum á unglingastigi stendur til boða að fara á SamVest söngvakeppni félagsmiðstöðvanna í Hólmavík á föstudaginn 17. janúar. Umsjónarkennari hefur sent foreldrum upplýsingar í tölvupósti. Þorrablót G.Þ. er 24. janúar nk. og verður með hefðbundnu sniði (nánar auglýst þegar nær dregur). Annars eru nemendur að vinna eftir sínum áætlunum og skólastarfið í "góðum gír". Heimavinna sérstaklega hjá þeim eldri getur orðið e-ð meiri síðustu dagana í janúar þar sem vetrarönnin fer að klárast og námsmatsdagar að vetri hefjast 3. febrúar nk.

Góðar stundir:)

Frá áramótabrennu 2012

Starfsfólk Grunnskólans á Þingeyri óskar nemendum, foreldrum og velunnurum skólans gleðilegs nýs árs með þökk fyrir samstarfið á árinu sem var að líða. Skólinn hefst samkvæmt stundaskrá kl. 10:00 mánudaginn 6. janúar eftir jólaleyfi. 

Samkvæmt hefðum skólans þurfa nemendur ekki að mæta fyrr en kl.10:00 í skólann eftir ævintýri álfa og trölla á Þrettándanum. Hvetjum alla nemendur að klæða sig upp og halda í skemmtilega hefð. Góða skemmtun :)

Nokkrir punktar fyrir vikuna:

• Tónlistarskólinn byrjar fimmtudaginn 9. janúar (samkv. skilaboðum frá Tuuli).
• Valtímar á unglingastigi hefjast ekki fyrr en vikuna 13.-17. janúar. Eyða myndast í stundatöflu nemenda þangað til. Þegar valið er komið á hreint verður gefin út ný stundaskrá.
• Umsjónarkennari á miðstigi verður í leyfi til 8. janúar, kennarar hjálpast að við að fylla í hennar skarð.
• Nemendur á yngstastigi ljúka sundviku dagana 13.-17. janúar, vegna daga sem féllu niður í desember. Nánar um það þegar nær dregur.

Gleðileg jól

Litlu jólin eru á morgun 20. desember. Nemendur mæta kl.9:30 og skólabíllinn fer af stað um kl. 12. Það sem nemendur þurfa að hafa í huga fyrir þessa stund í skólanum áður en haldið er í jólaleyfi er:

• mæta í jólaskapi og betri fötum
• heimilt að hafa með sér jóla-sparinesti
• hafa með sér kerti og stjaka til að búa til notalegheit í stofunni
• taka með sér pakka í pakkaskiptin fyrir um 500 kr.

Dagskrá litlu jólanna hefst með stund í heimastofu með umsjónarkennara þar sem jólakortum er dreift, pakkaskipti og fleira sem gera stundina notalega. Allir nemendur koma svo saman á sal og dansað og sungið í kringum jólatréð og eins og nemendur vita þá er aldrei að vita nema óvæntir gestir renni á hljóðið.............

Litlu jólunum lýkur um kl.11:45 þegar nemendur hafa kvatt kennara sína

Mánudaginn 6.janúar hefst skólinn aftur eftir jólafrí. Nemendur mæta kl.10:00 samkvæmt stundatöflu.

Þriðjudaginn 7.janúar höldum við í hefðirnar og mætum í skólann kl.10:00 eftir að hafa sofið vel eftir ævintýri álfanna á þrettándanum.

Kennarar og starfsfólk Grunnskólans á Þingeyri óskar öllum gleðilegra jóla, friðar og farsældar á nýju ári.

"Jólagluggi"

Nú líður tíminn og mikið um að vera. Á morgunn föstudaginn 13. desember er rauðidagurinn hjá okkur (sjá skipulag desember) og bjóðum við ykkur velkomin að koma til okkar kl. 11:00 og sjá afrakstur áhugasviðstímanna ásamt því að smakka á dýrindis piparkökum, kaffi og kakó. Endilega bjóðið öllum þeim sem vilja koma með og sjá hvað nemendur eru búnir að vinna vel í sínum vekefnum.

Í dag fimmtudaginn 12.12.13 ætlum við að vera með óhefðbundinn tíma í íþróttum. Við ætlum að fara öll saman og hafa gaman í Tarzan-leik. Að öðru leiti verður skóladagurinn hefðbundinn.

Við þurfum að gera ráðstafanir í sambandi við sundtíma í næstu viku þar sem sundlauginn okkar þarf að vera lokuð í óákveðinn tíma vegna orkuskorts frá og með deginum í dag. Það verður ekki gefið frí í þessum tímum heldur finnum við önnur viðfangsefni til að fást við.

Í næstu viku verða svo jólamaturinn ásamt litlu jólunum. Vill minna á pakka sem nemendur koma með að heiman fyrir 500 krónur á litlu jólin til að skiptast á við samnemendur sína.

Hlýjar kveðjur frá skólastjóra og kennurum

"Grunnskólinn kominn í jólabúning"

Hið árlega jólaföndur verður haldið í Grunnskólanum á Þingeyri sunnudaginn 8. desember kl. 13-15.

Laufabrauðið verður á sínum stað.

Einnig verður hægt að skreyta piparkökufólk, mála á keramik, skreyta kerti og föndra flott föndur úr Ólátagarði (verð frá 90 kr. - 1500 kr.).

Minnum á að gott er að taka með sér hnífa, laufabrauðsjárn, pensla og pappírslím ef þið viljið nota ykkar eigið. Þessir hlutir verða einnig á staðnum.

10. bekkur verður með kaffihús.

Posi verður á staðnum.

Foreldrar, ömmur og afar, komið með börnunum og eigum notalegan stund saman.

Með jólakveðju Foreldrafélag G.Þ.