Erna Höskuldsdóttir | fimmtudagurinn 13. september 2012
Landsbjörg hélt svæðisfund í G.Þ. um síðustu helgi. Landsbjargarmenn skildu eftir flott endurskinsmerki fyrir nemendur sem þakklæti fyrir afnotin.
Við hvetjum foreldra til að aðstoða nemendur að hengja endurskinsmerkið á góðan stað þar sem þau sjást vel. En nú fer tími endurskinsmerkjanna að renna í garð og dagur tekinn að styttast meir og meir.
Erna Höskuldsdóttir | fimmtudagurinn 13. september 2012
Frétt á B.B. fyrir nokkru sem byggð var á könnun sem lögð var fyrir unglinga á landsvísu síðasta vor greindi frá því að um 7% grunnskóla nemenda á unglingastigi í Ísafjarðarbæ notuðu tóbak. Nemendur í 8.-10. bekk í Grunnskólanum á Þingeyri vilja koma því á framfæri að þau séu ekki inn í þessari prósentutölu. "Við reykjum ekki, notum ekki munntóbak og áfengi"
Ath. Nýjar myndir í myndasafni!
Erna Höskuldsdóttir | þriðjudagurinn 11. september 2012
Sundkennsla í fyrsta og öðrum bekk fer fram í sundnámskeiðum. Fyrsta námskeiðið byrjar þriðjudaginn 11. september og stendur yfir í þrjár vikur. Nemendur fara í sundtíma á þriðjudögum, miðvikudögum og fimmtudögum. Meðan á námskeiðinu stendur geta nemendur geymt sundföt í Íþróttamiðstöð. Séð verður um að þau geti gengið að þeim þurrum fyrir hvern sundtíma. Um þetta hafa foreldrar val, en nemendur losna við að bera sundfatanað milli heimilis og skóla og skóla og íþróttamiðstöðvar.
Erna Höskuldsdóttir | föstudagurinn 31. ágúst 2012
Í næstu viku, 3.-6. september verður lögð áhersla á göngu- og útiveru í skólanum. Kennarar munu fara út með nemendum, ýmist til að nálgast námsefnið á annan hátt, kynna sér umhverfið og náttúruna og/eða til að bregða á leik.
Mikilvægt er því að nemendur komi vel klæddir í skólann og tilbúnir til að vera utandyra hluta skóladagsins.
Sérstakur göngudagur verður þriðjudaginn 4. september hjá öllum nemendum skólans. Farið verður strax að morgni. Þá eru fyrirhugaðar eftirfarandi gönguferðir:
Ef ekki viðrar til gönguferða á tilsettum degi verður reynt aftur næsta dag o.s. frv. Ef útlit er tvísýnt um veður göngudaginn mun ákvörðun liggja fyrir í skólanum snemma morguns og foreldrum því óhætt að hringja og fá upplýsingar.
Óskað er eftir því að foreldra taki þátt í göngudeginum með okkur og aðstoði við að ferja nemendur til og frá göngustað. Vinsamlegast hafið samband við umsjónarkennara í því sambandi.
Það sem gott er að hafa í huga við undirbúning gönguferða:
Miðað er við að allir hópar verði komnir úr göngferðunum milli kl. 12:00 – 12:30. Eftir að allir hafa borðar hádegismat lýkur skóladegi nemenda.
Athugið:
Þar sem íþróttamannvirki verða lokuð alla næstu viku, þar með talin búnings- og baðaðstaða, verður engin sund- eða íþróttakennsla í næstu viku, en í íþróttatímum verður útivera hjá nemendum í staðinn.
Erna Höskuldsdóttir | föstudagurinn 31. ágúst 2012
Nemendur í 6-7 bekk koma heim seinnipartinn í dag. Reykjaskóla snúðarnir brögðuðust vel í
gærkvöldi og stóðust væntingar nemenda frá sögusögnum fyrri nemenda sem dvalið hafa í skólabúðunum. Stóra hárgreiðslukeppnin og diskó var í gærkveldi og nemendur skemmtu sér konunglega og væru til í að vera aðra viku að Reykjum. Myndir verða settar inn seinna úr ferðinni.
Uppskrift að Skólabúðarsnúðum:
Erna Höskuldsdóttir | miðvikudagurinn 29. ágúst 2012
Íþróttamiðstöðin er lokuð þessa viku og næstu. Nemendur þurfa því ekki að hafa með sér sérstakan fatnað og handklæði í þá tíma í stundatöflu. Þessir tímar verða nýttir í útivist og þurfa nemendur því að vera klæddir eftir veðri. Farið verður í leiki, gönguferðir og fleira skemmtilegt.
Bestu kveðjur
Gunnlaugur og Erna
Erna Höskuldsdóttir | þriðjudagurinn 28. ágúst 2012
Nemendur í 6.-7. bekk fóru í skólabúðir að Reykjum í Hrútafirði á mánudagsmorgun ásamt Sonju umsjónarkennara sínum. Skólastarfið sem þau taka þátt í þessa fyrstu daga verður því mjög óhefðbundnið þar sem þau dvelja saman á heimavist ásamt fleiri nemendum úr öðrum skólum. Nemendur taka þátt í fjölbreyttri stöðvavinnu, vettvangsferðum úti í náttúrinn, halda kvöldvökur og fl. Krakkarnir og Sonja biðja ægilega vel að heilsa og meðfylgjandi þessari frétt fylgir mynd af hópnum síðan í morgun.
Erna Höskuldsdóttir | miðvikudagurinn 22. ágúst 2012
Grunnskólinn á Þingeyri var settur í dag á sal skólans þar sem skólastjóri og kennarar tóku á móti nemendum og foreldrum/forráðamönnum þeirra. Nemendur á skólaárinu 2012-2013 verða 38 talsins. Tveir nýjir nemendur hefja skólagöngu í fyrsta bekk og bjóðum við þau Andreu og Ástvald hjartanlega velkomin í skólann. Nokkrar breytingar verða á skólastarfinu en opnað hefur verið á milli þriggja stofa í "nýju" byggingunni og þar munu allir nemendur skólans eiga "heimastofu". Kennarar munu vinna meira saman við skipulagningu skólastarfsins í teymum og stýra kennslunni í átt til einstaklingsmiðunar (að hver og einn fái verkefni við sitt hæfi). Fimmtudagurinn 23. ágúst verður "Foreldradagur" þar sem nemendur mæta með sínum forráðamönnum og hitta sína umsjónarkennara til að fara yfir áætlanir og markmið. Fyrsti kennsludagur verður föstudaginn 24. ágúst samkvæmt stundaskrá.
Erna Höskuldsdóttir | mánudagurinn 30. júlí 2012
Grunnskólinn á Þingeyri verður settur 22. ágúst. Innkaupalista fyrir skólaárið 2012-2013 má nálgst undir Innkaupalistar
hér til hliðar og velja þann bekk sem við á. Einnig er hægt að líta á Skóladagatal 2012-2013 til að kynna sér mikilvægar dagsetningar og gróft skipulag skólaársins.
Góðar stundir 
Erna Höskuldsdóttir | þriðjudagurinn 5. júní 2012
Nemendur voru útskrifaðir við hátíðlega athöfn í Þingeyrarkirkju föstudaginn 1. júní. Nemendur stóðu sig með miklum sóma og hlaut Patrekur Ísak Steinarsson viðurkenningu fyrir námsárangur í 10. bekk og Ævar Höskuldsson fyrir árangur í dönsku. Eftir útskrift var kaffisala Kvenfélagsins Vonar í félagsheimilinu og sýning listmuna og verka nemenda í skólanum.
