Erna Höskuldsdóttir Erna Höskuldsdóttir | ţriđjudagurinn 4. desember 2012

Skipulagiđ í desember

Miðvikudagur 5. des. Skreytingadagur í skólanum. Þann dag notum við til að búa til jólakort og skreyta glugga og stofur. Hefðbundin kennsla fellur þá niður en tímarammi heldur sér. Nauðsynlegt er að allir nemendur komi með eftirfarandi:

  • Lím og skæri (sumir eiga þessa hluti í skólanum)
  • Auglýsingapésa til að klippa niður í keðjur.
  • Litla heftara og hefti
  • Skrautpennar til að skrifa á jólakort
  • Bútar af jólapappír sem má klippa út og skreyta jólakort með
  • Pappír, límmiða eða annað sem hægt er að nota í jólakortagerð.
  • Skemmtilega jólatónlist og endilega vera með jólasveinahúfur.

Föstudagur 7. des. Jólabíó í boði nemendaráðs á sal skólans kl. 10:30 – 12:00. Að sjálfsögðu verður sýnd jólamynd.

Sunnudagur 9. des. Jólaföndur- og laufabrauðsgerð foreldrafélagsins kl. 13:00 – 16:00. Sérstakt blað verður sent heim með nemendum með öllum upplýsingum.                             

Föstudagur 14. des. Jólabingó fyrir alla nemendur á sal skólans fyrir hádegi. Nemendaráð verður síðan með jóladiskótek fyrir 1.- 7. bekk kl.17:00 - 18:30.

Miðvikudagur 19. des. Jólamatur mötuneytisins. Í hádeginu borða allir nemendur saman jólamat. Nemendum sem ekki eru í mataráskrift er boðið í mat.

 

Fimmtudagur 20. desember.  Litlu jól nemenda. Mæting er í skólann kl. 09:30. Akstur heim kl. 11:45. Það sem nemendur þurfa að hafa í huga er:

  • að mæta í jólaskapi og í betri fötum
  • að heimilt er að hafa meðferðis sparinesti í anda jólanna
  • að hafa meðferðis kerti og kertastjaka svo það verði notalegt í stofunum
  • að taka með sér pakka í pakkaskipti fyrir um 500 kr. hvern pakka.

Dagskrá litlu jólanna er á þessa leið:

Nemendur byrja daginn inn í sinni stofu með sínum umsjónarkennara þar sem farið er yfir jólakortin, pakkaskipti og eiga þar notalega stund.

Allir nemendur koma svo saman á sal og dansa í kringum jólatréð og syngja jólalög. Ef söngurinn heyrist vel er aldrei að vita nema einhverjir gestir renni á hljóðið .........

Litlu jólunum lýkur um kl. 11:45, þegar allir hafa gengið frá í sínum stofum og kvatt sína kennara.

 

Miðvikudagur 3. janúar 2013. Skóli hefst aftur eftir jólaleyfi. Nemendur mæta þá kl. 10:00 samkvæmt  stundatöflu.

Erna Höskuldsdóttir Erna Höskuldsdóttir | fimmtudagurinn 22. nóvember 2012

Skilabođ frá Foreldrafélaginu

"Jólaföndriđ verđur nánar auglýst síđar"

Fimmtudaginn 22. nóvember fór miði með skilaboðum frá Foreldrafélaginu heim með nemendum þar sem eftirfarandi kom fram:

Sunnudaginn 9. desember verður árlegt jólaföndur Foreldrafélags G.Þ. haldið. Síðustu ár hefur verið venja að panta laufabrauð til að áætla hvað þurfi að panta mikið.

Þeir sem ætla að skera í laufabrauð eru beðnir um að gera pöntun sem fylgir auglýsingunni og skila henni aftur í skólann föstudaginn 23. nóvember. Þak er á fjölda brauða, hámark 25 kökur á hvert heimili.

Einnig biðjum við fólk að ganga frá greiðslum á foreldrafélagsgjöldum inn á reikning:

0154-05-400174 Kt. 441005 - 0670

(1.500 kr. á heimili óháð barnafjölda)

Foreldrafélagið tekur þátt í mörgum verkefnum á skólaárinu, ef allir muna eftir því að greiða gjöldin verður félagið öflugra.

Erna Höskuldsdóttir Erna Höskuldsdóttir | föstudagurinn 16. nóvember 2012

16. nóvember dagur íslenskrar tungu

1.-4. bekkur ađ syngja Aravísur
1.-4. bekkur ađ syngja Aravísur
1 af 3

Í tilefni af degi íslenskrar tungu fóru nemendur úr 8.-10. bekk sem það völdu, upp á leikskóla og lásu fyrir nemendur og fengu að launum bros og skemmtilegan söng. Í síðasta tíma dagsins komu nemendur saman á sal og lásu bæði frumsamdar sögur og verk eftir aðra. Einnig voru flutt tónlistaratriði; t.d. Aravísur Stefáns Jónssonar. Að lokum röppuð Agnes og Jóhanna frumsaminn texta um hvað það er gaman og gott að vera í skólanum og búa á Þingeyri, við lagið "Rapp, skólarapp". Að lokum fóru allir með bros á vör inn í langa helgi og koma aftur með bros á vör í skólann miðvikudaginn 21. nóvember.

Erna Höskuldsdóttir Erna Höskuldsdóttir | föstudagurinn 9. nóvember 2012

Foreldraviđtöl

Í dag fóru með póstinum vitnisburðir nemenda fyrir haustönn sem lauk 6. nóvember sl. Pósturinn fór ekki í sveitina og því tóku nemendur sína vitnisburði með heim í dag. Með vitnisburðinum fylgja tímaseðlar fyrir foreldraviðtöl sem eru dagana 12.-14. nóvember. Einnig fylga með dæmi um námsmarkmið sem gott væri að foreldrar og nemendur huguðu að fyrir viðtalið þar sem ný markmið verða sett fyrir vetrarönn.

 

Eigið góða helgiWink

Erna Höskuldsdóttir Erna Höskuldsdóttir | föstudagurinn 2. nóvember 2012

Ávextir fyrir nemendur

Góđ regla er ađ borđa um 5x ávexti og grćnmeti á dag
Góđ regla er ađ borđa um 5x ávexti og grćnmeti á dag

Boðið verður upp á niðurskorna ávexti, epli og banana, frá mánudeginum 5. nóvember til jóla fimm daga vikunnar. Hvert barn getur valið tvennt í hvert sinn. Hver dagur kostar um 45 krónur, eða 1.530 kr. fyrir hvert barn til jóla. Þeir foreldrar sem vilja nýta þetta boð fyrir börn sín, eru vinsamlegast beðnir um að leggja ofangreinda upphæð inn á reikning 0154 - 05- 400144, kt.560686 -1299. Aðrir sem ekki vilja nýta sér boðið, vinsamlegast hafi samband við skólann og láti vita. Óskað er eftir því að foreldrar verði búnir að ganga frá þessu fyrir fimmtudag 8. nóvember. Allir nemendur eiga samt sem áður kost á því að fá ávexti fyrstu dagana í næstu viku.

Þetta fyrirkomulag verður síðan endurskoðað af skóla og foreldrum í byrjun desember að fenginni reynslu. Það er von foreldra og skólans að þetta framtak verði til þess að ávextir verði enn frekar hluti af daglegri neyslu barna á hollri og næringarríkri fæðu.

 

Bendum einnig á síðu landlæknisembættisins fulla af fróðleik um næringu

http://www.landlaeknir.is/heilsa-og-lidan/naering/

                                                                                                                                                            

Erna Höskuldsdóttir Erna Höskuldsdóttir | miđvikudagurinn 31. október 2012

Skólastjóra hálskragi

Gunnlaugur Dan skólastjóri G.Ţ. međ flotta hálskragann:)
Gunnlaugur Dan skólastjóri G.Ţ. međ flotta hálskragann:)

Á sameiginlegum íþrótta og leikjadegi nemenda skólanna á Þingeyri, Flateyri, Suðureyri og Súðavík, í 1. – 7. bekk sem haldinn var þann 12. október og sagt hefur verið frá hér á síðunni, var þemað samvinna og yfirskriftin var „samvinna gerir okkur sterkari“. Þar unnu nemendur saman að margvíslegum verkefnum á átta mismunandi stöðvum og var prjónastöð ein af þessum stöðvum. Þar prjónuðu nemendur alls kyns búta – en hver skóli hafði sinn lit. Í lok dagsins kom það í hlut stöðvarstjórans og textílkennarans við G.Þ. Borgnýjar Gunnarsdóttur, að setja þetta skemmtilega samvinnuverkefni saman. Hún útbjó þennan skemmtilega og flotta hálskraga sem gefur að líta hér um háls skólastjóra G.Þ. Gunnlaugs Dan. En það er einmitt áskorun til skólastjóra þessara skóla að skarta þessu samvinnuverkefni og láta síðan birta mynd af sér með kragann um hálsinn á heimasíðu síns skóla.

Fyrsta áskorun er semsagt á skólastjóra Grunnskólans á Þingeyri, Gunnlaug Dan Ólafsson.

Síðan skorum við á skólastjóra Grunnskóla Önundarfjarðar, Maríu Valberg,

þá skólastjóra Grunnskóla Suðureyrar, Snorra Sturluson

og loks skólastjóra Súðavíkurskóla, Önnu Lind Ragnarsdóttur.

Góða skemmtun J

Erna Höskuldsdóttir Erna Höskuldsdóttir | fimmtudagurinn 25. október 2012

Föstudagurinn 26. október

Komið þið sæl !
Föstudaginn 26. okt. munu kennarar og aðrir starfsmenn Grunnskólans á Ísafirði heimsækja skólann okkar á Þingeyri. Tilgangur ferðarinnar er að kynna sér starfsemi skólans og þá breyttu kennsluhætti sem unnið hefur verið að í skólanum á Þingeyri að undanförnu (opinn skóli og einstaklingsmiðað nám). Hópurinn mun koma um kl.10:00 og kynna sér kennslu og vinnu með nemendum og síðan munu starfsmenn beggja skólanna hittast á sameiginlegum fundi. Vegna þess munu

nemendur þurfa að fara heim einni kennslustund fyrr en stundaskrá dagsins segir til um.

Vonum að breytingarnar raski ekki plönum ykkar Wink Góða helgi.

 

Erna Höskuldsdóttir Erna Höskuldsdóttir | miđvikudagurinn 24. október 2012

Verđlaun í hár, hönnun og förđun

Verđlaunagripurinn
Verđlaunagripurinn

Eins og áður hefur komið fram tóku nemendur þátt í íþróttahátíðum dagana 11. og 12. október. 8.-10. bekkur þreyttu keppni á Íþróttahátíðinni í Bolungarvík í fótbolta, körfubolta, badminton, skák og grein þar sem nemendur keppa í hár, hönnun og förðun. Þemað í hár, hönnun og förðun er mismunandi í hvert skipti og í ár var það "Goth". Lið B gerði sér lítið fyrir í hár, hönnun og förðun keppninni og kom heim með titil í safnið. Agnes, Særós, Dýrleif og Brynjar til hamingju. Einnig er vert að minnast á að Jóhanna varð önnur af stelpunum í badminton. Myndir frá íþróttahátíðinni eru komnar inn í myndasafnið hér til vinstri.

1.-7. bekkur tóku svo á móti jafnöldrum sínum frá Flateyri, Suðureyri og Súðavík á sameigilegum leikja-og íþróttadegi sem orðinn er árviss atburður og skólarnir skiptast á að sjá um. Yfirskrift leikanna var "Samvinna gerir okkur sterkari". Nemendur unnu saman að mismunandi verkefnum þar sem allir gerðu sitt besta og skemmtu sér vel eins og sjá má í myndasafni.

Erna Höskuldsdóttir Erna Höskuldsdóttir | ţriđjudagurinn 9. október 2012

Leikja-og íţróttahátíđ á Ţingeyri

"frá hátíđinni 2011 í Súđavík"

 Föstudaginn 12. október verður efnt til sameiginlegrar hátíðar nemenda í 1.- 7. bekk frá Súðavík, Suðureyri, Flateyri og Þingeyri í Íþróttamiðstöðinni á Þingeyri. Ekki er um keppni að ræða milli skólanna heldur eru fyrirfram myndaðir hópar þar sem blandað er saman nemendum úr öllum skólunum. Með þeim hætti ná nemendur frá skólunum að kynnast og vinna saman. Settar eru upp 8 mismunandi stöðvar sem nemendur fara á milli og leysa mismunandi verkefni. Öll eru þau í anda leikanna sem ber yfirskriftina ,, samvinna gerir okkur sterkari“ og í þeim anda að krakkarnir skemmti sér og hafi ánægju af þátttökunni. Í lokin munu svo allir gæða sér á pizzusneiðum og ávaxtasafa. Eldri nemendur í skólanum á Þingeyri munu hjálpa til við framkvæmdina. Leikarnir byrja kl. 09:00 og þeim lýkur á hádegi.   

 

11. október er "venjulegur" skóladagur hjá 1.-7. bekk

Erna Höskuldsdóttir Erna Höskuldsdóttir | föstudagurinn 5. október 2012

Norrćnaskólahlaupiđ

"Viđ hlaupum á móti umferđ"
1 af 5

Í dag 5. október hlupu nemendur G.Þ. hið árlega skólahlaup. Veðrið lék við iðkendur og ekki hægt að biðja um það betra. Samanlagt hlupu nemendur og kennari 217,6 km sem er stórgóður árangurSmile

Eftir hlaup eða göngu skelltu nemendur og starfsfólk sér í sundlaugina. Nemendur fá á mánudagsmorgun "pennaveskjamiða" þar sem þeir sjá tímatöku og vegalengd fyrir hlaupið 2012 vs. 2011.

 

 

Takk fyrir skemmtilegan morgun, starfsfólk G.Þ.

Ath. Nýtt myndaalbúm "Áhugasvið"       

« 2020 »
« Janúar »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Könnunin

Valdir tenglar

Vefumsjón