Á fimmtudaginn er starfsdagur hjá öllum starfsmönnum Ísafjarðarbæjar, eins og áður hefur komið fram. Skóla er því lokið kl 11:30. 

Á föstudaginn, 27.okt, og mánudaginn, 28.okt., er vetrarfrí - njótið sem allra best :-) 

« 1 af 16 »

Í gær fimmtudaginn 17. október, var skólahlaupið okkar. Áður hét það Norræna skólahlaupið, núna heitir það Olympíuhlaupið. Í boði var að fara 2,5 km, 5 km og 10 km. Nemendur fóru töluvert lengri vegalengd en í fyrra en þá fóru þeir 165 km en núna 193,8 km. Vel gert! Eftir hlaup fengu nemendur ávexti og fóru í sund. 

Á fimmtuaginn, 24. október, verður sameiginlegur starfsdagur starfsmanna Ísafjarðarbæjar. Nemendur fara því heim kl 11:30 en borða áður en haldið er heim. 

Starfsmenn hittast í íþróttahúsinu í Torfunesi og dagurinn samanstendur af fyrirlestrum og verkefnavinnu með þann tilgang að stuðla að því að starfsfólk Ísafjarðarbæjar nái góðri stjórn á streitu, líðan, verkefnum og einbeitingu.

Á föstudaginn, 25. október sem og mánudaginn 28. október er vetrarfrí hjá okkur. 

Ég set hér með nokkrar myndir frá skólahlaupinu. 

Fimmtudaginn 17. október ætlum við að hlaupa Ólympíuhlaupið.

Hlaupið verður ræst kl. 10:15 frá kirkjunni.

Allir fá ávexti eftir hlaup og fara svo í sund.

Skóli samkvæmt stundatöflu eftir hádegi nema nemendur í

1. – 4. bekk fara heim eftir mat.

Allir þurfa að koma með eða vera í íþróttafötum sem henta vel í útihlaup og hafa meðferðis sundföt og handklæði.

Vegalengdirnar eru 2,5 km fyrir yngstu nemendurna.

5 km og 10 km fyrir mið,- og elstastig (val)

Nemendur sem ætla 10 km mega hlusta á tónlist á meðan þeir hlaupa kjósi þeir það og þurfa að hlaupa í vestum.

Eitt helsta markmið skólahlaupsins er að hvetja nemendur skólanna til þess að hreyfa sig reglulega.

Leikskólinn Laufás tekur þátt í hlaupinu og foreldrar/ömmur og afar eru velkomnir að vera með okkur líka :-)

Eyþór og hinir kennararnir

« 1 af 10 »

Í gær fóru nemendur 8. -10.bekkjar til Bolungarvíkur á sameiginlega íþróttahátíð skólanna á svæðinu. Það gekk mjög vel, skemmtileg ferð. 

Á þriðjudaginn var kom Kristín Ragna Gunnarsdóttir rithöfundur og teiknari til okkar, á vegum List fyrir alla. Hún hitti alla námshópa og kynnti fyrir þeim ævintýraheim bókmenntanna. Með fréttinni eru nokkrar myndir frá þessum degi. 

Á fimmtudaginn kemur, 17. október, stefnum við á skólahlaupið/ólympíhlaupið. Við munum hafa það með hefbundnu sniði, hlaup-ganga-skokk, svo í sund á eftir. Nánari upplýsingar þegar nær dregur. 

Góða helgi 

Á föstudaginn er BLEIKUR dagur - munum öll eftir að koma í einhverju bleiku  

« 1 af 3 »

Nemendur í 1.-7.bekk fóru til Súðavíkur í morgun þar sem haldnir voru Öðruvísileikar "litlu skólanna". Það gekk mjög vel, vel heppnað í alla staði. 

Á meðan voru unglingarnir í skólanum en fengu þó örlítið uppbrot þar sem við horfum á beint streymi frá tónleikum Sinfóníuhljómsveitar Íslands, Tímaflakk í tónheimum. Hér er slóð á vef sinfóníunnar og nánari upplýsingar um atburðinn. 

Góða helgi

Á morgun, föstudag, fara nemendur í 1. -7. bekk til Súðavíkur, þar sem eru haldnir Öðruvísileikar!

Það hittast nemendur af svæðinu og fara í ratleik og ýmsa skemmtilega leiki. Dagurinn endar með alsherjar pylsupartýi. 

Lagt verður af stað frá skólanum kl 8:10 og áætlað að komið sé til baka um 12:30-13:00. 

Munum eftir að klæða okkur eftir veðri, gott að hafa aukaföt, nesti og fernudrykk. Svo að sjálfsögðu góða skapið :-) 

Guðrún, Helgi, Ninna og Kristín fara með hópnum. 

Á morgun, miðvikudag, er starfsdagur og því engin skóli hjá nemendum. Starfsfólk skólans mun fara yfir á Flateyri þar sem við munum hitta samstarfsfólk okkar þar sem og frá Suðureyri. Þar munum við m.a. fara á skyndihjálparnámskeið. 

Einar Mikael ætlar að koma í heimsókn til okkar, þriðjudaginn 1.október og verður hjá okkur eftir hádegishlé. 

Hér má sjá fb síðu Einars M.: https://www.facebook.com/einarmikael/?ref=py_c

Fimmtudaginn 26. sept. lýkur skóla óvenju snemma eða klukkan 11 eins og búið var að senda heim í tölvupósti.

Kennarar og starfsólk skólans fara á námskeið á Ísafirði sem hefst kl. 12.

Allir fara því úr húsi kl. 11 og skólabíll fer heim þá.

Vonandi nýtist dagurinn í eitthvað mjög skemmtilegt :-)

Svo sjáumst við spræk á föstudaginn eins og venjulega.

Starfsfólk.