Þorrablót GÞ verður á morgun, föstudaginn 24. janúar, kl 17:30-19:30. Sjá meðfylgjandi auglýsingu :-) 

Í dag fóru nemendur í 1. -7.bekk í sleðaferð með Guðrúnu og Kristínu Hörpu. Það var mjög skemmtilegt, allir tóku þátt, voru hjálpsamir, duglegir að skiptast á og lána. Einnig kom Guðrún með tvær "slöngur" sem nemendur fengu að nota. Sumum fannst þetta "skemmtilegasti dagur lífs síns" :-) 

Kennarar eru farnir að huga að námsmati og munu næstu vikur fara í undirbúning meðfram hefðubundnu starfi. 

24. janúar næstkomandi er Þorrablót G.Þ. - þið fáið nánari upplýsingar síðar. 

Með bestu kveðju og góða helgi, Sonja Dröfn

Nú er búið að gefa út appelsínugula veðurviðvörun fyrir Vestfirði. Samkvæmt veðurspá þá gengur hvellur yfir svæðið og ekki útlit fyrir að það lægi fyrr en aðfararnótt föstudags. Ég vil minna á að ekki er æskilegt að börn séu ein á ferli á meðan tvísýnt veður er. Ekki er búið að aflýsa skólahaldi en ég vil biðja ykkur um að skoða vel spár og aðstæður, eins að börnin séu ekki að fara ein í og úr skóla. Einnig að þau séu í sýnilegum klæðnaði, endurskinsvesti eru best við þessar aðstæður. 

Með bestu kveðju, Sonja Dröfn

Gleðilegt nýtt ár og takk fyrir góð kynni á því liðna. 

Skóli hefst að nýju að afloknu jólafríi mánudaginn 6. janúar kl 10:00, samkvæmt stundaskrá. 

Með bestu kveðju, Sonja Dröfn

Jólapokar nemenda

Jólapokar nemenda

Jólapokar nemenda

Jólamynd, valin af elsta stigi skólans

Það er hátíðlegt í matsalnum þegar nemendur fá jólamat

Hingað komu tveir sveinar í heimsókn, sungu og dönsuðu í kringum jólatréð með nemendum

Við erum svo lánsöm að vera með húsvörð, sem er einnig með hljómsveit, hér er allt gert með stæl

Honum fannst eitthvað mikið af snjó hjá okkur, þessum sveini

Svo var trallað á næsta stað...

« 1 af 35 »

Vikan sem nú er að líða var nokkuð hefðbundin, þ.e. hefðbundin sem síðasta vika fyrir jólafrí. Nemendur horfðu saman á jólamynd sem að þessu sinni var "Home alone 2", fengu jólamat og svo voru litlu jólin hjá okkur. Sjá má nokkrar myndir frá vikunni hér með fréttinni. Að endingu býður nemendafélagið upp á jólaball í dag, föstudag, kl 18:30-19:30, á sal skólans og kostar 250.- inn. 

Það eru líka nokkrar myndir frá síðasta tómstundartímanum fyrir jól, þar sem þær Harpa og Guðrún fóru út að skreyta snjóinn með nemendum í 1. -7.bekk. Skemmtilegt verkefni, eins og öll önnur sem þær stöllur eru að vinna að með nemendum. 

Starfsfólk grunnskólans óskar nemendum, fjölskyldum þeirra og öllum velunnurum skólans gleðilegrar hátíðar og þakkar fyrir gott samstarf á árinu sem er að líða. 

Skólinn er lokaður frá 23. desember til mánudagsins 6. janúar en þá byrjar skólinn aftur eftir gott jólafrí. Nemendur mæta kl 10:00, samkvæmt stundaskrá. 

Með bestu kveðju og njótið hátíðanna, starfsfólk Grunnskólans á Þingeyri

Hér er verið að sækja tréð :-)

Sandur sóttur í fjöruna til að tréð haldist í fötunni.

Hver er nú þetta?

« 1 af 22 »

Það hefur verið nóg að gera hjá okkur síðustu vikuna, eins og sjá má á meðfylgjandi myndum :-) 

Tómstundahópurinn skreytti m.a. jólatré með frostskrauti, miðstigið fór í Kómedíuleikhúsið og útbjó grímur, Tarsan leikur var í íþróttahúsinu og endaði vikan á Rauða deginum. Kærar þakkir þið sem sáuð ykkur fært að mæta. 

Í næstu viku fara unglingarnir í Kómedíuleikhúsið að gera grímur, jólamatur er á fimmtudaginn og litlu jólin á föstudaginn. Á föstudaginn mæta nemendur kl 10:00 og má gera ráð fyrir að þeir fari að koma heim um 11:30-12:00. 

Með bestu kveðju

Þér/ykkur er boðið í opið hús í Grunnskólanum á Þingeyri, föstudaginn 13. desember næstkomandi, kl 11:00 – 12:00.

Verkefni nemenda verða til sýnis, nemendur fara með jólasveinavísur, auk þess sem boðið verður uppá piparkökur og kakó.

Hlökkum til að sjá þig/ykkur,                         

starfsfólk og nemendur Grunnskólans á Þingeyri

Nemendur fá gulrót hjá Ninnu :-)

Hér er verið að bralla eitthvað sniðugt hjá Kristínu Hörpu og Guðrúnu í tómstund :-)

« 1 af 18 »

Í vikunni var skreytingardagurinn sem gekk mjög vel, sjá myndir frá deginum. Nemendur voru að sinna verkefnum á fimm stöðvum, útbjuggu jólapóstpoka, snjókalla (sem verða að tréi), gerðu jólatré, skreyttu piparkökur og útbjuggu músastiga og skraut í stofur. Ofsalega skemmtilegur dagur. 

Nemendur hafa verið að fá "gulrótina" sem þeim var lofað í kjölfar lestrarátaks, nemendur miðstigs horfðu t.d. í dag á uppsetningu skólans á Konungi ljónanna, auk þess sem þau fengu gulrætur ;-) 

Á fimmtudaginn, 12.12, er "Tarsan-dagurinn", þar sem allir nemendur skólans fara niðrí íþróttahús að leika sér í "Tarsan" frá kl 10:00 - 12:10. 

Á föstudaginn er "Rauði dagurinn" þá er opið hús í skólanum frá kl 11:00 - 12:00. Þar verður til sýnis verkefni nemenda úr áhugasviði sem og frá þemadeginum. Skóla er lokið hjá öllum nemendum kl 12:10, eða eftir hádegismat, þennan dag. 

Með bestu kveðju og góða helgi :-) 

Lesum og lesum allt árið um kring

Nú er 2ja vikna formlegu "lestrarátaki" lokið og nemendur hafa svo sannarlega sýnt enn og aftur hvað í þeim býr.

Búið er að telja saman lesnar mínútur á mið- og elsta stigi, en þar sem mikil veikindi eru á yngsta stigi, er ekki búið að telja saman mínúturnar þar.

Gaman er að segja frá því að miðstigið las samanlagt 4118 mínútur, sem gera 68 1/2 klukkustund eða rúmlega 2 1/2 sólarhring. Þetta gerði miðstigið að stærðfræðidæmi og voru eiginlega hálf hissa á útkomunni :-)

Elsta stigið las samtals 3.997 mínútur, en þar eru líka færri hausar en á miðstiginu.

Það er alltaf skemmtilegt í lok "átaks" að leika sér með tölurnar, en niðurstaðan verður alltaf sú sama: Allir eru að leggja sig fram og gera sitt besta.

Nú er að hefjast 2ja vikna "stærðfræðiátak" sem verður aðallega fólgið í því að nemendur reikna alls konar dæmi í skóla og/eða heima og af því það er kominn desember verður jólastærðfræði kannski áberandi.

Góða skemmtun, kennararnir.

« 1 af 4 »

Eins og ávallt er nóg um að vera í skólastarfinu. Á fimmtudaginn var fóru nemendur 3.- 5.bekkar yfir á Ísafjörð og sáu Djáknann á Myrká. Á föstudaginn fór Kristín Harpa ásamt Helga með nemendur í 1. -7. bekk og grilluðu brauð, sjá myndir, en við erum svo lánsöm að Kristín Harpa er byrjuð að vera með okkur einu sinni í viku með útikennslu. Í gær, mánudag, fóru nemendur á yngsta stigi, ásamt nemendum leikskólans í Kómedíuleikhúsið og fengu að gægjast inn í leikhúsheiminn, auk þess sem Leppalúði leit við. Samkvæmt venju fóru allir nemendur á sal, þar sem kveikt var á Spádómskertinu og jólasöngvar sungnir. 

Á morgun, miðvikudag, er skreytingardagur hjá okkur. Nemendum verður skipt í hópa, sem fara á stöðvar og vinna að verkefnum sem tengjast jólunum, ýmis konar skraut búið til og það hengt upp.