Góð regla er að borða um 5x ávexti og grænmeti á dag

Boðið verður upp á niðurskorna ávexti, epli og banana, frá mánudeginum 5. nóvember til jóla fimm daga vikunnar. Hvert barn getur valið tvennt í hvert sinn. Hver dagur kostar um 45 krónur, eða 1.530 kr. fyrir hvert barn til jóla. Þeir foreldrar sem vilja nýta þetta boð fyrir börn sín, eru vinsamlegast beðnir um að leggja ofangreinda upphæð inn á reikning 0154 - 05- 400144, kt.560686 -1299. Aðrir sem ekki vilja nýta sér boðið, vinsamlegast hafi samband við skólann og láti vita. Óskað er eftir því að foreldrar verði búnir að ganga frá þessu fyrir fimmtudag 8. nóvember. Allir nemendur eiga samt sem áður kost á því að fá ávexti fyrstu dagana í næstu viku.

Þetta fyrirkomulag verður síðan endurskoðað af skóla og foreldrum í byrjun desember að fenginni reynslu. Það er von foreldra og skólans að þetta framtak verði til þess að ávextir verði enn frekar hluti af daglegri neyslu barna á hollri og næringarríkri fæðu.

Bendum einnig á síðu landlæknisembættisins fulla af fróðleik um næringu

http://www.landlaeknir.is/heilsa-og-lidan/naering/

Gunnlaugur Dan skólastjóri G.Þ. með flotta hálskragann:)

Á sameiginlegum íþrótta og leikjadegi nemenda skólanna á Þingeyri, Flateyri, Suðureyri og Súðavík, í 1. – 7. bekk sem haldinn var þann 12. október og sagt hefur verið frá hér á síðunni, var þemað samvinna og yfirskriftin var „samvinna gerir okkur sterkari“. Þar unnu nemendur saman að margvíslegum verkefnum á átta mismunandi stöðvum og var prjónastöð ein af þessum stöðvum. Þar prjónuðu nemendur alls kyns búta – en hver skóli hafði sinn lit. Í lok dagsins kom það í hlut stöðvarstjórans og textílkennarans við G.Þ. Borgnýjar Gunnarsdóttur, að setja þetta skemmtilega samvinnuverkefni saman. Hún útbjó þennan skemmtilega og flotta hálskraga sem gefur að líta hér um háls skólastjóra G.Þ. Gunnlaugs Dan. En það er einmitt áskorun til skólastjóra þessara skóla að skarta þessu samvinnuverkefni og láta síðan birta mynd af sér með kragann um hálsinn á heimasíðu síns skóla.

Fyrsta áskorun er semsagt á skólastjóra Grunnskólans á Þingeyri, Gunnlaug Dan Ólafsson.

Síðan skorum við á skólastjóra Grunnskóla Önundarfjarðar, Maríu Valberg,

þá skólastjóra Grunnskóla Suðureyrar, Snorra Sturluson

og loks skólastjóra Súðavíkurskóla, Önnu Lind Ragnarsdóttur.

Góða skemmtun J

Komið þið sæl !
Föstudaginn 26. okt. munu kennarar og aðrir starfsmenn Grunnskólans á Ísafirði heimsækja skólann okkar á Þingeyri. Tilgangur ferðarinnar er að kynna sér starfsemi skólans og þá breyttu kennsluhætti sem unnið hefur verið að í skólanum á Þingeyri að undanförnu (opinn skóli og einstaklingsmiðað nám). Hópurinn mun koma um kl.10:00 og kynna sér kennslu og vinnu með nemendum og síðan munu starfsmenn beggja skólanna hittast á sameiginlegum fundi. Vegna þess munu

nemendur þurfa að fara heim einni kennslustund fyrr en stundaskrá dagsins segir til um.

Vonum að breytingarnar raski ekki plönum ykkar  Góða helgi.

Verðlaunagripurinn

Eins og áður hefur komið fram tóku nemendur þátt í íþróttahátíðum dagana 11. og 12. október. 8.-10. bekkur þreyttu keppni á Íþróttahátíðinni í Bolungarvík í fótbolta, körfubolta, badminton, skák og grein þar sem nemendur keppa í hár, hönnun og förðun. Þemað í hár, hönnun og förðun er mismunandi í hvert skipti og í ár var það "Goth". Lið B gerði sér lítið fyrir í hár, hönnun og förðun keppninni og kom heim með titil í safnið. Agnes, Særós, Dýrleif og Brynjar til hamingju. Einnig er vert að minnast á að Jóhanna varð önnur af stelpunum í badminton. Myndir frá íþróttahátíðinni eru komnar inn í myndasafnið hér til vinstri.

1.-7. bekkur tóku svo á móti jafnöldrum sínum frá Flateyri, Suðureyri og Súðavík á sameigilegum leikja-og íþróttadegi sem orðinn er árviss atburður og skólarnir skiptast á að sjá um. Yfirskrift leikanna var "Samvinna gerir okkur sterkari". Nemendur unnu saman að mismunandi verkefnum þar sem allir gerðu sitt besta og skemmtu sér vel eins og sjá má í myndasafni.

"frá hátíðinni 2011 í Súðavík"

 Föstudaginn 12. október verður efnt til sameiginlegrar hátíðar nemenda í 1.- 7. bekk frá Súðavík, Suðureyri, Flateyri og Þingeyri í Íþróttamiðstöðinni á Þingeyri. Ekki er um keppni að ræða milli skólanna heldur eru fyrirfram myndaðir hópar þar sem blandað er saman nemendum úr öllum skólunum. Með þeim hætti ná nemendur frá skólunum að kynnast og vinna saman. Settar eru upp 8 mismunandi stöðvar sem nemendur fara á milli og leysa mismunandi verkefni. Öll eru þau í anda leikanna sem ber yfirskriftina ,, samvinna gerir okkur sterkari“ og í þeim anda að krakkarnir skemmti sér og hafi ánægju af þátttökunni. Í lokin munu svo allir gæða sér á pizzusneiðum og ávaxtasafa. Eldri nemendur í skólanum á Þingeyri munu hjálpa til við framkvæmdina. Leikarnir byrja kl. 09:00 og þeim lýkur á hádegi.   

11. október er "venjulegur" skóladagur hjá 1.-7. bekk

"Við hlaupum á móti umferð"

"Nær fjallinu úteftir, nær sjónum inneftir"

"Takið ykkur stöðu, viðbúin......."

"Strollan af stað"

"Jeremy Örn að koma í mark eftir 10 km"

« 1 af 5 »

Í dag 5. október hlupu nemendur G.Þ. hið árlega skólahlaup. Veðrið lék við iðkendur og ekki hægt að biðja um það betra. Samanlagt hlupu nemendur og kennari 217,6 km sem er stórgóður árangur

Eftir hlaup eða göngu skelltu nemendur og starfsfólk sér í sundlaugina. Nemendur fá á mánudagsmorgun "pennaveskjamiða" þar sem þeir sjá tímatöku og vegalengd fyrir hlaupið 2012 vs. 2011.

Takk fyrir skemmtilegan morgun, starfsfólk G.Þ.

Ath. Nýtt myndaalbúm "Áhugasvið"       

"Samhugur"

Föstudagur 28. september

Starfsdagur kennara.

Fyrsti skipulags- og starfsdagur kennara á skólaárinu, en alls eru þeir fimm.

Á starfsdögum kennara sækja nemendur ekki skóla.

Síðasta frí 7. sept. var ekki starfsdagur, heldur frí hjá kennurum

vegna Kennaraþings, sem haldið er á hverju hausti.

Föstudagur 5. október

Skólahlaupið

Skólahlaup Grunnskólans á Þingeyri. Upphaflega átti það að vera 27. september, en flyst yfir á þennan dag.

Fimmtudagur 11. október

Íþróttahátíð í Bolungarvík 8.-10. bekkur

Íþróttahátíðin á Bolungarvík. Þessi hátíð er ætluð nemendum í 8.-10. bekk í skólunum á norðanverðum Vestfjörðum og stend yfir allan daginn og endar með sameignlegu diskóteki um kvöldið. Átti að vera föstudaginn 5. október en var breytt yfir á þess dagsetningu.

Föstudaginn 12. október

Leikja-og íþróttahátíð 1.-7.bekkur

Þetta er leikja- og íþróttahátíð nemenda í 1.-7. bekk. Að þessu sinni kemur það í hlut okkar á Þingeyri að halda utan um skipulag og framkvæmd dagsins. Aðrir skólar sem heimsækja okkur eru: skólinn á Súðavík, Suðureyri og Flateyri.

Foreldrar/forráðamenn athugið!

Foreldrafundur og kynning á skólastarfinu verður haldin á sal skólans fimmtudaginn 20/9 kl. 17:30. Dagskrá: Skólastjóri fer yfir komandi skólaár, nýjungar, breytingar, áherslur o.fl. Umsjónarkennarar kynna komandi skólaár nánar fyrir foreldrum í hverri umsjónarstofu. Foreldrar eru hvattir til að fjölmenna. Með kveðju skólastjóri og kennarar.

Skólastjóri tekur á móti góðum gestum

Spenntir nemendur skoða gjöfina

« 1 af 2 »

Miðvikudaginn 12. sept. komu kvenfélagskonurnar Edda Björk og Unnur fyrir hönd Kvenfélagsins í Mýrarhrepp í heimsókn og færðu skólanum að gjöf, þrjú Philips samlokugrill. Við þökkum þeim góðu konum kærlega fyrir og erum viss um að gjöfin muni nýtast okkur mjög ve. Heit samloka með skinku og osti verður örugglega vinsælasta nestið í einhverntíma

Landsbjörg hélt svæðisfund í G.Þ. um síðustu helgi. Landsbjargarmenn skildu eftir flott endurskinsmerki fyrir nemendur sem þakklæti fyrir afnotin.

Við hvetjum foreldra til að aðstoða nemendur að hengja endurskinsmerkið á góðan stað þar sem þau sjást vel. En nú fer tími endurskinsmerkjanna að renna í garð og dagur tekinn að styttast meir og meir.