« 1 af 2 »

Grunnskólinn á Þingeyri leggur sig fram við að fylgja lögum um grunnskóla og Aðalnámskrá, þar kemur meðal annars fram að ,,hlutverk grunnskólans í samvinnu við heimilin er að búa nemendur undir líf og starf í lýðræðisþjóðfélagi sem er í sífelldri þróun. Starfshættir skólans skulu mótast af umburðarlyndi, kristnilegu siðgæði og lýðræðislegu samstarfi. Skólinn skal temja nemendum víðsýni og efla skilning þeirra á kjörum fólks og umhverfi. Á íslensku þjóðfélagi, sögu þess og sérkennum og á skyldum einstaklingsins við samfélagið.“

Grunnskólinn á Þingeyri er fámennur skóli og samkennslu í fjórum námshópum. 1.-4. bekkur vinnur saman, 5.-7. bekkur  og elstu þrír árgangarnir 8.-10. bekkur myndar elsta stig.

Grunnskólinn á Þingeyri leggur sig fram um að hafa gott upplýsingaflæði milli heimils og skóla. Jákvæð umræða um skólastarf hvort sem það er heima hjá nemendum eða í skólanum er mikilvæg. Velgengni nemenda er markmið okkar allra ásamt því að nemendum líði vel í skólanum. Með góðu samstarfi nemenda, foreldra og starfsfólki skólans ýtum við undir velgengi nemenda okkar og góðri líðan.

Grunnskólinn á Þingeyri er einn fjögurra grunnskóla Ísafjarðarbæjar. Rekstur Grunnskólans á Þingeyri er í höndum Ísafjarðabæjar. Skólinn stendur við Fjarðargötu 24 og þar fer starfsemin að mestu fram. Íþróttakennsla og sundkennsla fer fram í Íþróttamiðstöðinni á Þingeyri sem er í um það bil 5 – 600 metra fjarlægð frá skólanum.

Hornsteinar skólastarfsins eru : Ábyrgð –virðing–samheldni–gleði.

Hornsteinarnir vísa til þess :

• Að ábyrgð/metnaður vísi til þeirrar sómatilfinningar sem að allir sem að skólastarfinu koma ættu að finna fyrir.
• Að nemendur beri virðingu fyrir sjálfum sér og sýni öðrum skilning.
• Að nemendur finni fyrir þeirri tilfinningu að tilheyra hóp og skipta máli.
• Að nemendum líði vel og séu ánægðir í eigin skinni og vinnu.