Erna Höskuldsdóttir Erna Höskuldsdóttir | föstudagurinn 10. mars 2017

Auðbjörg Erna í 1. sæti á lokahátíð Upplestarkeppninnnar

Vinningshafar með kennurum sínum, Auðbjörg og Jónína Hrönn lengst til hægri
Vinningshafar með kennurum sínum, Auðbjörg og Jónína Hrönn lengst til hægri
1 af 3

Stóra upplestrarkeppnin var haldin í Hömrum, sal Tónlistarskólans fimmtudagskvöldið 9. mars sl. Tólf nemendur úr 7. bekk á norðanverðum Vestfjörðum lásu sögubrot úr Bláa hnettinum eftir Andra Snæ Magnason og ljóð eftir Steinunni Sigurðardóttur. Auk þess lásu allir eitt sjálfvalið ljóð. Dómurum var vandi á höndum að gera upp á milli þessara frábæru lesara sem stóðu sig frábærlega. Úrslitin urðu þau Auðbjörg Erna Ómarsdóttir frá Grunnskólanum á Þingeyri sigraði, Íris Embla Stefánsdóttir frá Grunnskólanum í Bolungarvík hafnaði í öðru sæti og Lena Rut Ásgeirsdóttir frá Grunnskólanum á Ísafirði í því þriðja.

Dómarar þetta árið voru þau Baldur Sigurðsson, Anna Þ. Ingólfsdóttir, Heiðrún Tryggvadóttir og Kristín Ósk Jónasdóttir. Guðrún Birgisdóttir skóla- og sérkennslufulltrúi Ísafjarðarbæjar hélt utan um dagskrána, en Rósbjörg Edda Rúnarsdóttir, sem hafnaði í 2. sæti keppninnar í fyrra, las inngangstexta. Skólalúðrasveit Tónlistarskólans lék nokkur lög í upphafi og sá um að koma öllum í rétta gírinn og skapa hátíðlega stemningu.

Við óskum öllum lesurum, kennurum og foreldrum til hamingju með þennan góða árangur.

« 2024 »
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Könnunin

Valdir tenglar

Vefumsjón