Sonja Dröfn Helgadóttir Sonja Dröfn Helgadóttir | miđvikudagurinn 25. mars 2020

Breyting á stundaskrá !

Vinsamlegast skoðið vel nýjustu útfærslu á stundaskrá og mætingu nemenda á mið- og yngsta stigi:

 

 

Stundaskrá nemenda á yngra stigi. 26. mars – 3. apríl 2020

  • Nemendur mæta kl 08:10 og eru búnir kl 12:10.
  • Nemendur eru í mat kl 11:50. Mikilvægt að allir nemendur séu farnir úr húsi kl 12:15.
  • Á þessum tíma eru Kristín Björk og Guðrún Snæbjörg með þeim, þ.e. allan tímann og engir aðrir koma að bekknum.
  • Athugið að þetta er gert með öryggi allra í huga, nemenda sem starfsfólks skóla, og heimila.

 

Stundaskrá nemenda á mið stigi. 26. mars – 3. apríl 2020

  • Nemendur mæta kl 12:40 og eru búnir kl 15:20.
  • Nemendur eru í mat kl 12:40. Mikilvægt að allir séu ekki að koma fyrr en kl 12:40.
  • Á þessum tíma eru Sonja Elín, Nonni auk annars kennara með þeim, þ.e. allan tímann og engir aðrir koma að bekknum.
  • Athugið að þetta er gert með öryggi allra í huga, nemenda sem starfsfólks skóla, og heimila.

 

Með góðri kveðju, Sonja Dröfn

Sonja Dröfn Helgadóttir Sonja Dröfn Helgadóttir | mánudagurinn 23. mars 2020

Nemendur unglingastigs heima

Í ljósi aðstæðna þá hef ég ákveðið að draga enn frekar úr mögulegum samgangi nemenda. Frá og með deginum í dag og í það minnsta framyfir páska munu nemendur unglingastigs alfarið sinna námi heima. Þeir munu mæta einn dag, hver hópur, til að fá aðstoð frá kennara og námsgögn. Nánari útfærsla var send til forráðamanna í tölvupósti í morgun. Ef þið hafið einhverjar fyrirspurnir hafið þá samband við kennara, eða mig, á sonjahe@isafjordur.is.

 

Yngsta- og miðstig verður áfram í skólanum með óbreyttu sniði, í það minnsta í bili. En ég minni ykkur á að skoða þessa síðu, heimasíðu skólans sem og tölvupósta frá skólanum.

 

Sveitarfélögin eru að skoða útfærslu gjöldum fyrir hádegismat m.t.t. þess að einhverjir nemendur fá ekki fulla þjónustu sem þeir hafa greitt fyrir. Ég mun láta ykkur vita þegar niðurstöður liggja fyrir varðandi það. 

 

 

Með bestu kveðju, 

Sonja Dröfn Helgadóttir Sonja Dröfn Helgadóttir | föstudagurinn 20. mars 2020

Í vikulok

Þetta hefur verið undarlega vika, á þessum öðruvísi tímum. Við, eins og aðrir, reynum að gera okkar besta í þessum breyttu aðstæðum. Eftir tilmæli frá Almannavörnum var farið í að stokka upp stundaskrár nemenda, til að draga sem mest úr samneyti á milli hópa. Starfsfólk skólans hefur verið einstaklega jákvætt og tekið á sig ýmis konar verkefni, sem alla jafna eru ekki á þeirra herðum. Nemendur hafa sýnt stillingu og ró, tekist á við hvern dag eins og ekkert sé, líkt og það sé eðlilegt að staðan sé eins og hún er. Hins vegar finnum við vel að það örlar á titringi hjá sumum nemendum, en við leggjum okkur fram um að styðja þau, ræða við þau og leyfa þeim að tjá sig. 

 

Það er gleðilegt að segja frá því að nemendur yngsta stigs komu fram í sjónvarpsfréttum í tengslum við Fræ til framtíðar, sjá hér

 

Eins og staðan er í dag, þá verður næsta vika eins og þessi, þ.e. þessi breytta stundaskrá. En svo er vetrarfrí á föstudaginn, 27. mars, sem ég tel að sé kærkomið, mitt í þessu umróti. 

 

Við munum halda ykkur upplýstum, um leið og eitthvað breytist eða við fáum ný tilmæli frá Almannavörnum. Gott að fylgjast vel með þessari síðu, sem og fb-síðu skólans. 

 

 

Með bestu kveðju og góða helgi. 

Sonja Dröfn Helgadóttir Sonja Dröfn Helgadóttir | miđvikudagurinn 18. mars 2020

Snjómokstur

Snillingarnir okkar á unglingastigi tóku sig til í morgun og fóru um bæinn og mokuðu fyrir þá sem eiga erfitt með að gera það sjálfir. Snjó hefur kyngt niður undanfarna daga og nóg var af honum fyrir, þannig að þau höfðu nóg að gera.

 

Þegar þau voru búin að fara um bæinn fengu þau ís í sjoppunni í boði ánægðs bæjarbúa :-) 

Sonja Dröfn Helgadóttir Sonja Dröfn Helgadóttir | mánudagurinn 16. mars 2020

Nćstu dagar

Sæl

 

Varðandi næstu daga:

 

- Byrjun skóladags:
- 1.-3.bekkur mætir kl 08:10
- 4.-7. bekkur mætir kl 08:20
- 8.-10.bekkur mætir kl 08:30
- Mjög mikilvægt að allir virði þennan tíma. Nemendur fara beint í sínar heimastofur. Heimastofa 8.-10.bekkjar færist niður og verður í "Ninnu" stofu. Nemendur í skólaakstri mæta á sama tíma, 8:10, þ.e. frá Múla og er skilað í GÞ. Svo kemur mið- og efsta stig saman.

 

- Fríminútur á yngsta stigi eru samkvæmt venju, kl 09:40, miðstigið fer kl 10:00. Efsta stigið er í sinni heimastofu í fríminútum.
- Hádegismatur verður samkvæmt eftirfarandi: yngsta stigið kl 12:10, miðstigið kl 12:30 og efsta stigið kl 12:45.
- Heimilisfræði fellur niður, en ég mun reyna að halda úti annarri verkgreinakennslu eins og kostur er. Áhugasvið og tómstund fellur niður, nemendur eru í heimastofum á þeim tímum.
- Einnig fellur niður öll kennsla í íþróttahúsi, semsagt íþróttir og sund. Kennsla fer fram í heimastofum eða úti.

 

- Breyting á stundaskrám:
- Yngsta stig er búið í skólanum alla daga kl 12:10, eftir hádegismat.
- 4.- 7.bekkur eru búnir í skólanum kl 13:20 alla daga.
- 8.-10.bekkur eru búnir í skólanum kl 14:00 alla daga.

 

- Vatnsbrunnum er lokað og verða nemendur að koma með vatnsbrúsa að heiman. Nemendur fá áfram ávexti en er skammtað af kennara.

- Ég minni á handþvott, oft á dag, með sápu. Spritt eru í stofum og er mikilvægt að nemendur séu sem mest sjálfbjarga í að þvo sér.

 

Einnig vil ég minna á mikilvægi þess að nemendur sem eru með kvef, hósta eða önnur flensueinkenni séu heima þangað til einkennin eru alveg horfin.

 

Við förum svona af stað út í vikuna, þangað til við fáum upplýsingar um annað. Það er mjög mikilvægt að fylgjast vel með tölvupóstum, heimasíðu skólans sem og fb-síðu.

 

En ég vil endilega benda á þessa frétt inn á ruv.is, af nemendum á yngsta stigi, algjörir snillingar :-) https://www.ruv.is/frett/laera-ad-raekta-graenmeti-i-skolum-fyrir-vestan

 

Með góðri kveðju,

Sonja Dröfn Helgadóttir Sonja Dröfn Helgadóttir | sunnudagurinn 15. mars 2020

16.mars - skólinn byrjar kl 10:00

Vegna aðstæðna munum við byrja kl 10:00 í fyrramálið. Starfsfólk þarf að undirbúa næstu daga eins og hægt er. Ég biðst afsökunar á því hversu seint ég læt ykkur vita, en það eru stöðugt að berast nýjar upplýsingar um skólahald frá Kennarasambandinu sem þarf að bregðast við. 

Sonja Dröfn Helgadóttir Sonja Dröfn Helgadóttir | föstudagurinn 13. mars 2020

Sólarkaffi

Tekin hefur verið sú ákvörðun að FRESTA Sólakaffi, þar til um hægjist í samfélaginu v/Covid-19. 

Þegar tímasetning verður komin, verður það auglýst, en búast má við að það verði í fyrsta lagi eftir páska, jafnvel síðar. 

Sonja Dröfn Helgadóttir Sonja Dröfn Helgadóttir | miđvikudagurinn 11. mars 2020

Covid-19

Eins og hefur ekki farið fram hjá nokkrum manni, þá hefur ansi skæð "flensa" verið að skekja heiminn. Við höfum eftir fremsta megni gert okkar til koma í veg fyrir smit hér í GÞ. M.a. er spritt sýnilegt og við erum farin að skammta matinn, þetta er eitt af þeim þáttum sem Landlæknir hefur bent á til að koma í veg fyrir smit. 

 

Eftirfarandi upplýsingar eru fengnar af vef Heilsugæslunnar:

 

"Heimsfaraldur sjúkdóms sem engin lækning er til við og enginn hefur ónæmi fyrir, er alvarlegur. Ekki af því að í þessu tilviki sé sjúkdómurinn svo alvarlegur heldur vegna þess að svo margir geta veikst á sama tíma að það lami þjóðfélagið og geri okkur ókleift að sinna þeim 5% sem verða alvarlega veik. Þetta er ástæðan fyrir því að reynt er eftir fremsta megni að hefta útbreiðsluna og tefja hana."

 

Svo er ávallt gott að minna á mikilvægi handþvottar, með sápu og þið farið yfir það heima, rétt eins og við gerum hér í skólanum. 

 

Hér er jafnframt linkur á frétt á vefsíðu Stjórnarráðsins/Mennta- og menningarmálaráðuneytið. 

Jónína Hrönn Símonardóttir Jónína Hrönn Símonardóttir | fimmtudagurinn 5. mars 2020

Stóra upplestrarkeppnin

Kristjana einbeitt
Kristjana einbeitt
1 af 3

Lokahátíð Stóru upplestrarkeppninnar fór fram í Hömrum á Ísafirði í gær.

Lokahátíðin er alltaf mjög hátíðleg og skemmtileg stund, þar sem afrakstur mikilla æfinga á upplestri er verðlaunaður. Þeir sem ná á lokahátíðina eru fulltrúar síns skóla og hafa þótt skara fram úr í sínum árgangi, sem er 7. bekkur. 

Stóra upplestrarkeppnin hefur verið árviss viðburður í 7. bekk í 24 ár - og hefur G.Þ. tekið þátt í a.m.k. 16 af þeim.

Verkefnið byrjar ár hvert á Degi íslenskrar tungu þann 16. nóvember og lýkur formlega með lokahátíð í héraði í mars.

Að þessu sinni lásu 12 lesarar frá Þingeyri, Suðureyri, Bolungarvík og Ísafirði brot úr sögunni Stormsker eftir Birki Blæ og ljóð eftir Jón úr Vör, ásamt ljóði að eigin vali. Dómarar voru 5 og þeirra beið virkilega erfitt verkefni - að raða niður í 3 efstu sætin. Grunnskólinn á Ísafirði átti sæti 2 og 3, en það voru þær Anna María Ragnarsdóttir (3. sæti) og Dagný Rut Davíðsdóttir (2. sæti). Jóhann Ingi Guðmundsson Grunnskólanum í Bolungarvík var í 1. sæti.

Kristjana Rögn Andersen las fyrir hönd okkar skóla og stóð sig mjög vel og við erum ákaflega stolt af henni :-)

 

Hér má sjá nokkrar myndir frá keppninni.

 

Jónína Hrönn Símonardóttir Jónína Hrönn Símonardóttir | miđvikudagurinn 26. febrúar 2020

Krakkasvariđ frá GŢ

Skólinn okkar fékk áskorun frá Brekkuskóla á Akureyri að taka þátt í Krakkasvarinu sem er liður í Krakkafréttum.

Upptökur fóru fram í dag - og verður sýnt frá því í Krakkafréttum á morgun, fimmtudaginn 27. feb.

Endilega horfið :-)

Í tilefni dagsins var kötturinn sleginn úr tunnunni í tómstund í dag og fengu allir á mið- og yngsta stigi rúsínur og annað "hollt nammi". Einnig voru flestir í náttfötum í tilefni dagsins, en nemendaráð stóð fyrir náttfatadegi.

Alltaf gaman að brjóta upp hversdaginn.

« 2020 »
« Ágúst »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Könnunin

Valdir tenglar

Vefumsjón