Erna Höskuldsdóttir Erna Höskuldsdóttir | miđvikudagurinn 13. september 2023

Sýning krakkaveldis smiđju á Hrafnseyri

Afrakstur krakkaveldis verđur til sýnis á Hrafnseyri kl.12:30 fim.14.sept.2023
Afrakstur krakkaveldis verđur til sýnis á Hrafnseyri kl.12:30 fim.14.sept.2023
Vinnusmiðja Krakkaveldis, Barnabærinn, mun taka yfir Hrafnseyri við Arnarfjörð fimmtudaginn 14. september. Þátttakendur í smiðjunni eru börn á miðstigi grunnskólanna á Þingeyri, Flateyri og Suðureyri. 
 
Sýningin hefst kl. 12:30, fimmtudaginn 14. september og er opinn öllum.
 
Barnabærinn er samfélagstilraun þar sem börnunum er frjálst að prófa sig áfram með hugmyndir sínar líkt og á tilraunastofu. Bærinn verður lítið útópískt samfélag þar sem börn ráða ríkjum og reynir þannig að svara spurningunni: Hvernig væri heimurinn ef börnin réðu öllu?
 
Útkoma smiðjunnar er sviðslistaverk þar sem börnin bjóða almenningi að stíga inn í sinn draumaheim á sviðinu. Sýningin fer fram á Hrafnseyri og er miðuð að fullorðnum þó börn séu velkomin á hana líka. Takmarkið er að fullorðnir gefi sig á vald börnunum í þáttökusviðslistaverki sem er um hálftími að lengd.
 
Krakkaveldi miðar að því að ögra valdasambandi barna og fullorðinna. Mikilvægur þáttur verkefnisins er samstarf listrænna stjórnenda við þau börn sem taka þátt í verkefninu hverju sinni. Börn eru hópur í samfélaginu sem hefur hvað minnst völd yfir umhverfi sínu, þó ákvarðanir fullorðinna við stjórn hafi ekki síður áhrif á þau en aðra. Krakkaveldi miðar að því að spyrja gagnrýnna spurninga með sviðslistaverkum sínum um hvaða möguleikar felist í að breyta þeim valdastrúktúr.
 
Hrefna Lind Lárusdóttir og Salvör Gullbrá Þórarinsdóttir leiða vinnuna. Guðný Hrund Sigurðardóttir leikmyndahönnuður sér um sjónrænan þátt smiðjunnar í samstarfi við börnin, þar sem samsköpun og listrænt frelsi er falið þátttakendum.
 
Safn Jóns Sigurðssonar á Hrafnseyri og Grunnskólinn á Þingeyri standa fyrir vinnusmiðjunni í samstarfi við Krakkaveldið. Krakkaveldið er styrkt af Barnamenningarsjóði.
 
Hvetjum alla áhugasama og foreldra til að mæta á Hrafnseyri ☺️
Erna Höskuldsdóttir Erna Höskuldsdóttir | miđvikudagurinn 16. ágúst 2023

Skólasetning 2023-24

Gildi skólans: Gleđi-metnađur-ábyrgđ-samheldni
Gildi skólans: Gleđi-metnađur-ábyrgđ-samheldni

Mánudagurinn 21. ágúst er skólasetningar dagur fyrir skólaárið 2023-24. Starfsfólk skólans er mætt til undirbúnings. Helstu fréttir af skólastarfinu er að okkur fjölgjar frá því í vor, nemendur við skólann verða 42 eins og staðan er í dag.

Tveir nemendur hefja nám í fyrsta bekk og viljum við bjóða Önnu og David hjartanlega velkomin í 1. bekk. 3 nýjir nemendur byrja í 2. bekk, 4. bekk og 6. bekk. Okkur hlakkar mikið til að kynnast þeim og hitta alla hina eftir sumarfrí.

 

Yngsta stig: 18 nemendur

Mið stig: 12 nemendur

Elsta stig: 12 nemendur

 

Umsjónarkennarar munu boða nemendur og foreldra/forráðamenn í viðtöl á setningardegi. Hvert viðtal tekur um 15 mín. Stundaskrár birtast á mentor en afhendast einnig í viðtölum ásamt fleiri upplýsingum.

 

Hægt er að vera í mjólkuráskrift og fá mjólk í nestis tíma. Einnig verður í boði að skrá sig í ávaxtabita sem boðið er uppá rétt fyrir kl. 11 hvern dag. Nemendur sem verða í mat þurfa að skrá sig í hádegismat. Skráningar fara fram í skólanum á mánudaginn.

 

Sjáumst á mánudaginn

Starfsfólk Grunnskólans á Þingeyri

 

Erna Höskuldsdóttir Erna Höskuldsdóttir | ţriđjudagurinn 13. júní 2023

Skólaáriđ 2022-2023 lokiđ

Yngstastig (mynd. Lilja Lalíla)
Yngstastig (mynd. Lilja Lalíla)
1 af 4

Skólaárinu lauk með skólaslitum 1. júní sl. Útskriftarathöfn var í kirkjunni þar sem skólastjóri fór yfir helstu afrek og viðburði skólaársins. Einnig hvatti hann nemendur og foreldra til að vera ábyrgir notendur þegar kemur að skjátíma. Skólastjóri minntist einnig á gervigreind og tækifæri til menntunar, en Grunnskólinn á Þingeyri vill mennta börn til framtíðar ekki fortíðar. Umsjónarkennarar afhentu nemendum vitnisburð og nemendur í tónlistarskólanum komu fram. Einn nemandi í 10. bekk lauk formlega sinni grunnskólagöngu sem er ávallt ákveðin tímamót í lífi hvers og eins. Við óskum Kristjönu Rögn til hamingju með áfangann og óskum henni gæfu og gleði í framtíðinni. Eftir athöfnina í kirkjunni var veglegt skólaslitakaffi Kvenfélagsins Vonar í Félagsheimilinu og handverka sýning með verkefnum nemenda í skólanum. Það var sannarlega hátið í bæ þennan dag.

 

Skólastarf hefst aftur mánudaginn 21. ágsút með skólasetningu "á sal". Nemendur og foreldrar verða einnig boðaðir í nemendaviðtöl þann dag.

 

Samþykkt skóladagatal fyrir skólaárið 2023-24 er hér

 

 

Erna Höskuldsdóttir Erna Höskuldsdóttir | föstudagurinn 26. maí 2023

Frćđsla um kvíđa fyrir foreldra leik- og grunnskólabarna

Í G.Ţ. leggjum viđ áherslu viđ gróskuhugarfar/vaxandi hugarfar
Í G.Ţ. leggjum viđ áherslu viđ gróskuhugarfar/vaxandi hugarfar

Ísafjarðarbær býður foreldrum leik- og grunnskólabarna á fræðslu um kvíða í Fræðslumiðstöð Vestfjarða miðvikudaginn 31. maí kl. 20.

Markmið fræðslunnar er að foreldrar þekki einkenni kvíða og tileinki sér hjálplegar leiðir til að auka sjálfstraust og takast á við kvíða. Kynntar verða aðferðir til að hafa jákvæð áhrif á hegðun og hugsunarhátt barna og hvernig megi aðlaga daglegt líf að þörfum barna með kvíðaeinkenni. Námskeiðið er ætlað foreldrum en starfsfólki leik- og grunnskóla er velkomið að taka þátt, fræðslan er foreldrum og starfsfólki skóla að kostnaðarlausu.

Leiðbeinandi er Sólveig og Norðfjörð sálfræðingur

Nauðsynlegt er að skrá þátttöku með því að senda póst á gudrunbi@isafjordur.is.

Erna Höskuldsdóttir Erna Höskuldsdóttir | föstudagurinn 12. maí 2023

Skólaslit Grunnskólans á Ţingeyri 2023

Skólaslit G.Þ. verða fimmtudaginn 1. júní kl. 15 í Þingeyrarkirkju.Að lokinni athöfn mun Kvenfélagið Von sjá um kaffisölu í félagsheimilinu.

Einnig mun skólasýningin vera á sínum stað „á sal“ í skólanum til kl. 17:30.

 

Á milli kl. 17:30-18:00 sækja nemendur muni sína.

 

Allir velkomnir

Erna Höskuldsdóttir Erna Höskuldsdóttir | ţriđjudagurinn 9. maí 2023

Vorgangan 2023

Sl. ár höfum við gengið Vorgöngu. Markmið Vorgöngunnar er að tengja saman börnin í skólunum á Þingeyri, leik,-og grunnskóla. Viðburðurinn er hluti af "Brúum bilið" sem er sameiginlegt verkefni G.Þ. og Laufás sem ætlað er að búa börnin undir skólagöngu á næsta skólastigi og efla tengingu skólanna.

Markmiðið Vorgöngunnar er að vera sýnileg í samfélaginu ásamt því að leyfa eldri borgurum þorpsins sem dvelja á Tjörn að sjá barnafjöldann og vera í tengslum við dvalarheimilið. Börnin hafa tekið lagið á pallinum við Tjörn og auðvitað er "Vertu til er vorið kallar á þig" heppilegasta lagið fyrir þennan viðburð. 

Föstudaginn 5. maí fórum við í vorgönguna á þessu skólaári. Gangan var mjög fjölmenn að þessu sinni vegna þessa að skólagestir G.Þ. frá Lettlandi og Litháen voru þátttakendur í göngunni. Sungið var á íslensku, lettnesku og litháensku.

 

Vertu til ef vorið kallar á þig, njótið vorsins

 

Jónína Hrönn Símonardóttir Jónína Hrönn Símonardóttir | ţriđjudagurinn 21. mars 2023

9. og 10. bekkir fóru í náms- og menningarferđ til Reykjavíkur

Skautar í Egilshöll
Skautar í Egilshöll
1 af 10

Farið var að morgni miðvikudagsins 15. mars með “skólabíl” – 5 vaskir nemendur, umsjónarkennari og náms- og starfsráðgjafi. Leiðin lá til Reykjavíkur þar sem fara átti á Íslandsmeistaramót í iðn- og verkgreinum og framhaldsskólakynningar sem fóru fram í Laugardalshöll og eru til að sjá að það eru óþrjótandi möguleikar á því hvað maður vill gera í framtíðinni og leggja stund á. Hér má sjá smá myndband af hátíðinni. https://www.youtube.com/watch?v=xaOQnFG5Hyw

           Þar sáu krakkarnir margt áhugavert og marga þátttakendur og þeir áhugasömustu kynntu sér margs konar námsframboð. Einnig var farið í Alþingishúsið og þar fengum við leiðsögn um húsið, fórum í Vísindasmiðju Háskóla Íslands og hittum Sprengju-Kötu og aðra efna/eðlisfræðinga sem sögðu okkur frá því hvað vísindi geta verið skemmtileg. Þar mátti líka fikta og prufa ýmislegt. Við fórum líka í Perluna á sýningu um lífríkið í fersku vatni á Íslandi.
                En þetta var ekki bara námsferð, heldur brugðu krakkarnir sér á skauta í Egilshöllinni og við fórum líka í keilu á sama stað. Þar var sett upp keppni milli nemenda í G.Þ., nemenda í G.S. (en 9. og 10. bekkur Grunnskólans á Suðureyri fór líka í þessa ferð ásamt kennurum þar) og kennaranna í ferðinni. Þar skemmtu allir sér konunglega og sýndu ýmis tilþrif. Keppnisskapið tók sig aðeins upp og það var bara gaman. Síðan var haldið heim á leið upp úr hádegi á föstudeginum 17. og allir kátir og glaðir með ferðina.
En svona ferð kostar sitt og ekki hægt að fara í svona ferðir nema fá einhvers staðar styrki. Við vorum svo heppin að Artic fish styrkti ferðina um 100.000 kr. og erum við þeim mjög þakklát fyrir það. Gott að eiga góða að.

Margar myndir voru teknar í ferðinni til að varðveita minningar – og hér má sjá nokkrar þeirra.

 

Erna Höskuldsdóttir Erna Höskuldsdóttir | mánudagurinn 13. mars 2023

Til hamingju nemendur í G.Ţ.

Hvolpasveit bjargar páskum á Ţingeyri (yngsta stig)
Hvolpasveit bjargar páskum á Ţingeyri (yngsta stig)
1 af 7

Sl. fimmtudag var árshátíð skólans haldin í Félagsheimilinu á Þingeyri. Í ár var "lítil" árshátíð þar sem hvert stig setti upp sína eigin sýningu. Yngsta stig lék frumsamið leikrit um hina úrræðagóðu Hvolpasveit. Mið stig sýndi frumsamið leikverk um hin margrómaða Stígvélaða kött. Elsta stig setti metnaðinn í botn og sýndi hið bráðskemmtilega leikrit Mama Mía. 

Ekki má gleyma yndislegum söng barnanna á Laufási en þau sungu knúslagið og Komdu kisan mín á morgunsýningunni.

 

Starfsfólk skólans óskar öllum nemendum til hamingju með sína frammistöðu. Margir fóru algjörlega út fyrir sinn þægindaramma. Nemendur sungu, bættu sig í framsögn, töluðu hátt/hærra og sumir settu mikla tilfinningu í hlutverk sitt sem gerði afraksturinn að enn meiri sigri. Heldur betur er hægt er að tengja gildi skólans: Gleði, ábyrgð, samheldni og virðingu við vinnu að árshátíðinni en það var gríðarlega gaman að sýna gestum árshátíðarinnar afrakstur þessarar vinnu.

Takk allir fyrir komuna.

Jónína Hrönn Símonardóttir Jónína Hrönn Símonardóttir | mánudagurinn 6. mars 2023

Undankeppni Stóru upplestrarkeppninnar

Undankeppni stóru upplestrarkeppninnar 6. mars 2023
Undankeppni stóru upplestrarkeppninnar 6. mars 2023
1 af 10

Í dag fór fram undankeppni Stóru upplestrarkeppninnar í 7. bekk. En hún er árviss viðburður í skólastarfinu. Þá sýna nemendur í 7. bekk afrakstur æfinga sem formlega byrja á Degi íslenskrar tungu, þann 16. nóvember. Þeir hafa æft upplestur á alls kyns textum bæði í bundnu og óbundnu máli.

Keppendur voru 6; 2 frá Grunnskólanum á Þingeyri, 3 frá Grunnskólanum á Suðureyri og 1 frá Grunnskóla Önundarfjarðar.

Kennarar og miðstig skólanna þriggja voru gestir og dómarar voru Sigmundur Þórðarson, Elfar Logi Hannesson og Hildur Inga Rúnarsdóttir.

Lesendur lásu sögubúta og ljóð og gerðu það mjög vel. En eins og alltaf þarf að velja fulltrúa til að fara og lesa á lokahátíðinni og að þessu sinni voru valdir 2 aðalmenn; þau Jósef Ægir Vernharðsson frá Grunnskólanum á Suðureyri og Auður Alma Viktorsdóttir frá Grunnskólanum á Þingeyri. Varamaður er Dawid Robert Szlabowski frá Grunnskólanum á Suðureyri.  Kómedíuleikhúsið veitti öllum lesendum viðurkenningu, ljóðabókina Allir dagar eiga kvöld sem eru valin ljóð Stefáns frá Hvítadal. Við þökkum kærlega fyrir það.

Lokakeppni Stóru upplestrarkeppninnar mun svo fara fram í Bolungarvík fimmtudaginn 16. mars næst komandi og þangað eru allir velkomnir. 

Það er alltaf smá stress sem fylgir því að koma fram og lesa fyrir áhorfendur og áheyrendur - en það er einmitt einn liður í skólastarfinu að þjálfa framsögn og upplestur. Í mínum augum eru allir sigurvegarar og við erum alltaf ótrúlega stolt af lesendunum okkar. Við óskum öllum lesendum til hamingju með sig - við þökkum dómurum fyrir þeirra vinnu og þökkum gestum fyrir komuna.

Erna Höskuldsdóttir Erna Höskuldsdóttir | föstudagurinn 3. mars 2023

Árshátíđ G.Ţ

Hvolpasveit GŢ
Hvolpasveit GŢ
1 af 4

Undirbúningur fyrir árshátíðina stendur nú af fullum krafti. Að þessu sinni er "lítil" árshátíð þar sem hver námshópur er með sitt atriði. Yngsta stig ætlar að setja á svið leikrit um hina vinsælu Hvolpasveit. Mið stig fór í handrita smíði um Stigvéla köttinn og elsta stig ætlar að skella upp leikverkinu Mama Mia. Á fyrri sýningu munu einnig börnin á Laufási syngja. 
Mikil samvinna allra á sér stað við undirbúninginn. Nemendur sjást um allan skóla niðursokknir við undirbúning og æfingar; dans, söng, leik og fleira.  Nemendur byrjuðu í þessari viku að æfa í félagsheimilinu. Flestir taka þessari tilbreytingu frá hefðbundnu skólastarfi fagnandi.


Árshátíðin verður svo í Félagsheimilinu fimmtudaginn 9. mars. Að venju verða tvær sýningar; sú fyrri hefst kl. 10:00 og sú síðari kl. 19:30. Allir eru velkomnir.

Fyrri síđa
1
234567484950Nćsta síđa
Síđa 1 af 50
« 2023 »
« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Könnunin

Valdir tenglar

Vefumsjón